شمس السعودية

اللوحة الأولى
البلد كل البلد شرق وجنوب
التقت بالغرب ونادت للشمال
والنسايم هبّت بعطر وطيوب
بك تهلي قايد العوجا تعال
يا بوتركي خضت لمجادك حروب
لين مجدك طاول النجمة وطال
إنت ومن بعدك سكنتوا في القلوب
إنت وأولادك لنا خير المثال
شمس آل سعود ما تعرف غروب
الرجال اللي أنجبوا خير الرجال
وخير بومتعب على كل الشعوب
وكفه البيضا زرعت في كل مجال
يا ولي العهد فرّحت القلوب
عقب ما طالت على شعبك ليال
ننتظرك بفارق الصبر ونذوب
بالسلامة جيت يا زاكي لخصال
اللوحة الثانية
نلف الكون وما نلقى
مثل أهل الخليج أحباب
دولها الست يجمعها
على درب المحبة باب
نحب أهل السعوديه
وقطر وعمان والبحرين
ونهلي بكل إماراتي
وأهالي كويتنا الغالين
ويظل مجلس تعاونا
مثار الود والإعجاب
نلف الكون وما نلقى
مثل أهل الخليج أحباب
نعم نبقى حكومة وشعب
على درب السعد دايم
على نفس الهدف والدرب
مصير اجيالنا القادم
نحب أهل السعوديه
وقطر وعمان والبحرين
ونهلي بكل إماراتي
وأهالي كويتنا الغالين
ويظل مجلس تعاونا
مثار الود والإعجاب
نلف الكون وما نلقى
مثل أهل الخليج أحباب
خليج الخير وذه اسمه
جمعنا وضمنا اخوان
نعلي الصوت والنهمه
ونحكي قصة الانسان
نحب أهل السعوديه
وقطر وعمان والبحرين
ونهلي بكل إماراتي
وأهالي كويتنا الغالين
ويظل مجلس تعاونا
مثار الود والإعجاب
نلف الكون وما نلقى
مثل أهل الخليج أحباب
اللوحة الثالثة
وابتدت رحلة فرحنا
مع ضيوف المهرجان
كلنا بلهفة ركبنا
وبنطوف أرض الأمان
كل شبر بمملكتنا .....
كبّر ولله سجد
الله الله يابلدنا ......
صدق ما مثلك بلد
قلنا يالله وابتدينا
روعة يا أرض الرياض
من على البرجين جينا
وسال نهر الود وفاض
كل شبر بمملكتنا .....
كبّر ولله سجد
الله الله يابلدنا .....
صدق ما مثلك بلد
فجأة طار الشوق فينا
طار مثل الريح جارف
طفنا مكة والمدينة
وجدة وينبع وطايف
كل شبر بمملكتنا .....
كبّر ولله سجد
الله الله يابلدنا ......
صدق ما مثلك بلد
واحنا في نشوة هنانا
خذنا للشرقية شوق
كانت الاحسا لقانا
والخبر تبسم في ذوق
كل شبر بمملكتنا .....
كبّر ولله سجد
الله الله يابلدنا ......
صدق ما مثلك بلد
بالفعل رحلة عجيبة
يم حايل والشمال
وبالجنوب أبها الرهيبة
موطن احساس الجمال
كل شبر بمملكتنا .....
كبّر ولله سجد
الله الله يابلدنا ......
صدق ما مثلك بلد
اللوحة الرابعة
يابنات المملكة نسل الرجال
يابنات العز يا ذوق وجمال
يافخر عبدالعزيز بشدته
قال أخو نوره أنا ولا قال طال
صدق اثبتوا لنا إن الطموح
يصنع المجد ويغذي كل روح
مهرجان وصار صرح من الصروح
مهرجان ايفوق تصوير الخيال
يابنات المملكة نسل الرجال
مو غريبة والوطن يعطي الكثير
كل سنة فكرة جديدة وشي غير
دام نوف إبدعمها الوافي الكبير
الأميرة اللي ضربت أروع مثال
يابنات المملكة نسل الرجال
نفتخر في هالوطن ولجله نموت
صار للمرأة حضور وصار صوت
وأثبتت إن الزمن لا ما يفوت
قبل تحفر اسمها في كل مجال
يا بنات المملكة نسل الرجال
اللوحة الختامية
دار عبدالله يا دار الآمنين
مقصد الحجاج وحلم المسلمين
دونها الأرواح تفديها فدا
كيف وفيها قبر سيدنا الأمين
ذي بلد يعشق يداعبها الصباح
ذه وطن ماخذ من الطيبة وشاح
مكتسي بالمجد وعايش بالسماح
وكل طيب منبته من طيبين
هو وطن مولود في حضن السلام
مثل ما صار الحرم عشق الحمام
ومثل كل المسلمين بكل عام
اقبلوا لبلادنا بشوق وحنين
يا وطن حبك تجاوز كل حد
نفتديك احنا البنات ابلا عدد
قالها القايل تدوم احلى بلد
يالسعودية الحبيبة تسلمين
يا مليك الخير كل شعبك معك
تحت امرك يا بومتعب نتبعك
كل سعودية وسعودي يسمعك
يا ولي الأمر جينا طايعين