قيض فرقاك

مجنونة الفرقا ومدعاه للكبت
تنبت بها الونه ويصدح لها الناي
في صدري المكبوت!.. للحزن رتبت
مجلس .. وأنا! صار اشهب الهم مركاي
وللبعد طبت .. ومن عنى البعد! ماطبت
كنه يبي عزلي وطردي ومنفاي
ياهو غياب مع مداده!.. تشعبت
كلي.. وتاهت سكة القلب بخطاي
يامبعد بي لين تهت وتغربت
من غبت! معرف وش كياني ومعناي
أدميت قلب الجرح بالبعد .. والهبت
إحساس جمر الشوق من نار الاقفاي
وش طول اليومين؟.. لين أوشك النبت
على اليباس .. وقيظ فرقاك شواي
الأربعا سافرت واعن البلد غبت
وتقول: يوم السبت من سفرتك جاي!
واليوم! راح السبت والسبت والسبت
سبتين .. والثالث! حداني على اقصاي
ابطيت بغيابك وبالغت واسهبت
وأنا انتظر سبت معه غاية امناي
ماتدري أنك في شتاتي تسببت؟!
مما حجب فكري عن الحل والراي!
ياخي تراك أوعدت وأخطيت وأذنبت
تعال وانثر ورد عذرك بدنياي
مانيب قايل: وش غنايمك؟ وِش جبت؟
(شوفتك!.. تسوى مال حاكم بروناي)
هاذا وأنا! ماأقول عن شوفتك تبت
وربي! مراقبني .. ويعلم نواياي
عن مابقلبي من وله! قلت وأعربت
وشوقي لك! اأصبح ميزة من مزاياي
ومن طيب قلب الأربعا!.. صدق السبت
والسبت من كثره!.. حداني على اقصاي
عبد الرزاق الذيابي