صوت وصدى من الزمن الجميل بين 3 شعراء

صوت وصدى من الزمن الجميل، فقد وجَّه الشاعر زيد بن راجح البقمي قصيدة للشاعرين خضير البراق، ومحمد بن راشد العتيبي، ولم ينتظر كثيرًا حتى جاء الرد منهما..
جهز الموتر نويت أسجها وحداني
خل وجهه للشمال يداعبه نسناسه
والله إن ليه ثمان سنين وأنا أعاني
والسبب لا قل مال ولا هجر مياسه
الله أقوى كيف أسوي بالثنين اخواني
كل منهم غير اسلوبه وغير ناسه
ابو راشد من حرض لخريص للصماني
بين بحثٍ عن فحول البل وبين عساسه
وابو نايف رايحٍ له في مجال ثاني
بعد هد الشعر والصفحة وريّح راسه
وأما أنا لا مر ذكر غيابهم ناداني
ماضيٍ لا زال ينعشني عبير أنفاسه
والله انه ما يفرق ضيقتي وأحزاني
لين عداده مع السكة تدق أجراسه
ويتخير موقفه بين أجمل الريضاني
لين أشوفه في خضار العشب مثل الماسه
وخوياي اللي لهم منزال في وجداني
رؤوس قومٍ منتقيهم من بيوت رياسه
يرتفع في سلمهم شأن الخوي والعاني
ماخذين من قواميس الجدود دراسه
الثنين ولا معي غير الثنين إخواني
لين أشاركهم جميع همومي الحساسه