سارعي للمجد

الوطن يلبس ثياب العيد في ميلاده
شامخ يرقى سنام العز بإسم أمجاده
سارعي للمجد يأرض اجدادنا والعليا
مايعيش بها سوا اللي عاش فيها أجداده
المنابر كل فرض للفلاح تنادي
والمساجد صوت ترتيل ودعاء وعبادة
أرضنا عشق النخيل اللي غرسها أجدادي
كل مافيها يقول إلنا فعل ورياده
عيدها ماهو بكان وكيف كان وكنا
عيدها كف يمد أغلى العطا لاحفاده
من كرمها ماتحسب للعطايا قيمه
كل من جاها نسى من طيب أهلها بلاده
دوحة وغصونها تورق لكل الأمة
غادة تاريخها ماهي بأية غادة
مهبط الوحي وسراج الدين وأرض القبله
فزعة المضيوم حزات الوغى وسناده
في قيادتها تلاحم شعبها وحدتها
رمز لشراع الوفاء وشموعه الوقاده
ماتغيرنا عواصيف الزمن لو جعنا
القناعة كنز والغادي كسرنا زناده
حلمنا بالعلم نوصلها لراس القمة
والغشيم اللي يجارينا ربطنا جواده
ماعلينا من مثورة الحكي والثورة
حبها الغالي شربنا سلسبيل أعياده
ياأرضنا هاك العطا منا فدا لترابك
عاد يومك والولاء مبطي ثبتنا أوتاده