هواجيس القصايد

أبتدي بسم الله الواحد الفرد السلام
الإله المعتلي مالنا غيره إلاه
جل شانه في صفاته والاسماء الجسام
الإله إلا هو استغفره وأطلب رضاه
يا هواجيس القصايد بعد طول المنام
شاعرك غنى بقافه وجاب أقصى مداه
كان ما وفيتي حقوقه على الدنيا السلام
ضاع شعره وانتثر وإندثر ما حدٍ قراه
كان ما ياصل لسطح القمر فوق الغمام
ليش يتسمى بشعرٍ ما هو في مستواه
وقبل ترتيب المعاني وعيد الانسجام
شاف ما غثرب حياته وما كدر صفاه
ما كتبت الشعر لاجل التوجد والغرام
ولأنا ماني بري من هوى شبه المهاه
مير حبينا وتبنا ويا مال الرحام
يا لحبيب اللي فجر قلبي الهايم هواه
العهد به يوم لبس القلايد والزمام
وألبسوه من الفساتين فستانٍ زهاه
وأعقدو له وارقصوله وسوو له مقام
وإحتماه الغالي اللي ما ابي شقرة عصاه
غيرها في البيض مالي لاشف ولامرام
الله إيجازي وليّ أمرها باقصى جزاه
ولاكتبت الشعر للمال والناس العظام
أحمد الله وأشكره من غناةٍ في غناه
ما تلولس في رموث الحبال ولا الحلام
خابرٍ نفسي ولا امشي على غير إتجاه
مغتني بالواحد اللي عيونه ما تنام
لو يجي بيني وبين الفقر حذفة حصاه
والليالي فرقت بين حام وبين سام
وأخر الأيام ما عاد للدنيا طراه
والردي ماله عليه لاطيب والاحترام
يوم ينذر بالفراق اجمل أيام الحياه
والذي حرك هجوسي وحلق بي وحام
وكدر القلب المعنى وزود به عناه
صاحبٍ غالي ومغليه الي عشرين عام
قام يقصر في سلامه ويبدي لي جفاه
والجفى ما هو بطبع الرجاجيل الحشام
رآعي الجزلات غلطان من يبحث خفاه
ومن حقوق الصاحب أربع وخامسها تمام
أولً فأن كانه أخطى فلا تتبع خطاه
وان لفاك اكرم سباله وذا طبع الكرام
وأن رحل وابعد فلا عاد تهرج في قفاه
وإن حداه الوقت واحتاج في غير الحرام
إحتزم بالمال والنفس والحقها بجاه
وخامستها نور والنور جلاي الظلام
النصيحه واجبه والردى محدٍ يباه
ومن تسمع في يقولون وبنوك الكلام
والله ليزعل مخاويه ويفرح عداه
حط علمي يالسنافي على صدرك وسام
مثلك افخر به وأماري ولو يكبر خطاه