جيت يمك

طبت وإلا خبت يا هاجسي ما لي بك
مل خاطر غاوي الشعر وانكف عايف
كنت والله في زمن فات ما اعطيبك
اتحدى فيك همي واغني كايف
بس عاد الوقت الأغبر وصوّت ذيبك
يتبع العويات عويات وانا خايف
جيت يمك ارسم الحلم واغنّي بك
شاعرٍ معمي عيونه ولو هو شايف
جيت للساحة وانا اقول هذا عيبك
التسول والمحاباة تنقل لايف
لو توارت بعض الاسرار قلت ادري بك
يا هجوسي لو تقنع قناعك زايف
وانت يا شعري من الشعر وش ترتيبك
ادري انك جيت في صمت مثل الحايف
وانت عارف كل ما نمت قمت اهذيبك
لا تقول العذر (مجنون) عذرك هايف
حافظك عن كل ملقوف لا يحكي بك
في خيالي مثل الابراج عالي نايف
عملةٍ في سوق الأيام لو نشري بك
ينتعش سوقٍ من الجور لافه لايف
ويوم ليلي خيم بساع قلت اسري بك
واعتزل عن جو جده لجو الطايف
ودي ارحل يا قصيدي وانا اماري بك
والزيارة امر محتوم وانا ضايف
عند من هو قاد قلبي على تكذيبك
موعده لو طّوف العمر ما هو طايف
قلت له مشتاق مشتاق وابغى طيبك
روف في حال العمودي ما دامه رايف
قال مرحب والمقادير لو تاتي بك
انت في عيني حقيقة وغيرك زايف