يا حي طاريه

اللي معاريفه زرعها زراعه
مثل المزارع يوم يذرى مذاريه
عند الكفو تنبت وتصبح وداعه
تنبت ويسقيها بذكره وطاريه
واللي مايشفع لاطلب للشفاعه
لايزعل اليا حمّلوه المشاريه
اللي ماعنده للجميل استطاعه
يتّنازل امن القوس ويجيه باريه
يجيه كفو وسط راسه قناعه
بان الجميل محصل خير شاريه
وغير الجمايل مابقي به طماعه
اللي خسرها باينات مواريه
واللي يبي يصبح من اهل الشجاعه
درب السلامه لاتهيا يباريه
واللي تفرع عقب جات الفراعه
قلبه ضعيف ويبغي اللي يداريه
واللي من همومه ماعنده مناعه
تكثر علي غير الفوايد مساريه
ياحظ من صلي الفجر في جماعه
في ذمة الله والمرازق تجاريه
وياحظ من يسعي ورى كل طاعه
حافظ كتاب الله وبالغيب قاريه
الدين حق ومن رزق باتباعه
ياحي منطوقه وياحي طاريه