أحلى المشاعر

==1==
ليلة البارح لفاني من بعَد غيبة طويله==0==
==0==وبعَتب عاشق سألته : وين ياأغلى الحبايب
وين هالغيبة حبيبي روحي باسبابك عليله==0==
==0==وأسأل الأشواق عنك يا ترى وش فيه غايب
كنت في غيابك أحاول بس ما باليد حيله==0==
==0==كنت أتمنى رجوعك والرجا مخطي وصايب
كنت بغيابك أردّد وين بس القى مثيله==0==
==0==كيف ينساني وقلبي في هواه سنين ذايب
كنت بغيابك يتيم ولا لقى منهو يعيله==0==
==0==كنت بغيابك شجاع وخانته دنيا المصايب
كنت بغيابك خليل وفاقدٍ شوفة خليله==0==
==0==كنت بغيابك غريب ويحرقه شوقه لهايب
كنت بغيابك سجين وينتظر منهو يجي له==0==
==0==كنت بغيابك ضحيه والزمن لا شك عايب
كنت بغيابك حزينٍ والحزن منهو يشيله==0==
==0==كنت بغيابك حزين وانثر أحزاني عجايب
كنت بغيابك أداري دمعتي في كل ليله==0==
==0==كنت بغيابك نهاية قبر وتراب ونصايب
صاح يكفي وبعيونه دمعةٍ طاحت قتيله==0==
==0==ترجمت أحلى المشاعر وتركتني حيل طايب
دمعةٍ تسوى حياتي دمعةٍ ماهي قليله==0==
==0==دمعةٍ شالت همومي وأنتثر حزني هبايب==2==