شموع الوصل

إطلالة أولى عبر صفحات (في وهجير) للشاعر عبدالله عاتي العجمي
==1==
صوتك أخذني ما سألته على وين==0==
==0==إلا اني اعرف رغبتك في حبيبك
أبحرت من دون اختيار وعناوين==0==
==0==وفي خاطري اكون لك من نصيبك
والساحل الشرقي سحرني بثنتين==0==
==0==بحره وصوتك يا عسى الله يجيبك
يا ظامية للوجد والود تكفين==0==
==0==الله قدّر وامتلكت طبيبك
في نبرتي لهفة وشوق ومضامين==0==
==0==وفي نبرتك سحرٍ جذبني لطيبك
لك نغمة توحي بصدق الموالين==0==
==0==بوحك أسرني خايفٍ اشتقي بك
وعفويةٍ هزت جميع الشرايين==0==
==0==وعذوبةٍ يزدان فيها الحكي بك
وألفاظ عذرية بنفح الرياحين==0==
==0==تجعلني انسى ما مضى وابتدي بك
والمفردة من منطقك تعكس الزين==0==
==0==وتلامس اوتارٍ بمهجة أديبك
حتى بصمتك استمع لك تقولين:==0==
==0==(حنان روحي يا غلا يعتني بك)
صرت استشف أفكارك اللي تشحّين==0==
==0==في طرحها من خوفتي لا اكتوي بك
وبصادق احساسك وجدتك تغنين==0==
==0==أنشودة للحب ما تنتهي بك
وش عاد.. ضعت! وكنت خير المودين==0==
==0==وكان الضياع انت فأنا المبتلى بك
ولا عدت احس بعالمي وقت تحكين==0==
==0==احس بك واحيا معك واهتني بك
وابقا ارسمك بالكف والقلب والعين==0==
==0==واشاهدك وان غاب شخصك اجيبك
ونفسي تنازعني من الحين للحين==0==
==0==واظمى على الحالين: كيف ارتوي بك؟!
وجروحي العطشى شكت لك من البين==0==
==0==بالله وش عذرك وهي تنتخي بك
لا يالشعور اللي يخالجني سنين==0==
==0==زادت تباريحك وجدّ المشي بك
ودي تطول السالفة بيني وبين==0==
==0==ذاك الخيال اللي جعلني صويبك
واشعل شموع الوصل رجوى المحبين==0==
==0==واخشى يحول الوقت قبل التقي بك
جيتك وكلي شوق والقلب مسكين==0==
==0==يشكي عليك وغايته يكتفي بك
وتاهت حروفه ما تبي غير تلحين==0==
==0==واعزفك يا أعذب غلا واغتذي بك==2==