مكسبي

يرى أن الشعر رغم أنه كلام الا أنه من المؤسف جدا أن ترى شاعرا موهوبا دائما ما يتغنى بمكارم الأخلاق وهو في الوقت نفسه من فئة السفهاء غير القادرين على فرض احترامهم كأشخاص .. قصيدة لن يتردد عاقل في موافقة الدهيمي على مضامينها ..==1==
يالله اللي قلب الانسان مابين اصبعيه==0==
==0==ياقديرٍ تحيي الخلق ثم تبيدها
دلني درب الهدايه وثبتني عليه==0==
==0==وكف رجلي عن ما يغضءبك واقصر قيدها
بين مبدا الليل والهاجس اللي يحتريه==0==
==0==ساعةٍ تصفي لبالي على ما اريدها
لاقطع بن اليمن فوق جمرٍ محتديه==0==
==0==وفاحت الدله عقب طاب لي تقنيدها
زان طرق القاف للخاطر اللي مشتهيه==0==
==0==كل ما شيّد بيوته سمك تشييدها
خاطرٍ يتعب على الجزل حتى ينتقيه==0==
==0==القصايد ماخلط زيدها بعبيدها
ماذبحها باهزل الهرج حتى تشتكيه==0==
==0==والقصيده ذبحها غير عن تجديدها
عقب مافكرت فالوضع بالفكر النبيه==0==
==0==ثارت النفس الغيوره ماغير اهيدها
شفت شيٍ يجرح القلب لو كان يغَذيه==0==
==0==شوفته سقم الخواطر وبعده عيدها
شاعرٍ لاجاك قافه ليا كنه جنيه==0==
==0==من حلا ابياته ليا ابطيت قمت تعيدها
المعاني كنها سلك سبحه في يديه==0==
==0==يبتدعها بدع بالقافيه ويجيدها
والله انك تنغبن يوم تدري انه سفيه==0==
==0==لانشدت ووثق السالفه توكيدها
ودّك ان الشعر لازان ينسب للنزيه==0==
==0==وتتفق صنديدة الشعر من صنديدها
لو انا ادري ان الشعر هرج واللي فيه فيه==0==
==0==لو ينقص مرجلة رجل كان يزيدها
مير بآخذ حكمة الجني اليا فك فيه==0==
==0==وصحبته والله مابيها ولا ابي فيدها
معرفة خطلان الايدي وبيضان الوجيه==0==
==0==مكسبي من هالقصايد ومن ترديدها==2==