أشرقت فرحة

==1==
أمس نهمس بالدعا ياالله ترده بالسلامه==0==
==0==والعشية نرفع آيات التهاني ونتعايد
نتعايد ونتباشر والفرح نبني خيامه==0==
==0==فرحةٍ عمت على كل النواحي والبدايد
عاد نورٍ في سمانا وانجلت عنها غمامه==0==
==0==والتوتر والقلق زالت ما عاد الها شرايد
رحّبت به ديرة اهل المجد ورجال الزعامه==0==
==0==وفي قدومه غرد القمري على خضر الجرايد
واشرقت في كل قلب ووجه فرحه وابتسامه==0==
==0==يوم بشّرنا البشير أبو سعود بخير عايد
مرحبا يا نايف الهقوات يا رمز الشهامة==0==
==0==مرحبا يا سيفنا يا درعنا عند الشدايد
مرحبا باللي لجل نرتاح يزهد في منامه==0==
==0==ساهره عينه ليا نمنا وكبّرنا الوسايد
طلعته بعيوننا وقلوبنا فيها مقامه==0==
==0==نايف اسقانا المحبه والوفا فينا عوايد
منهجه يفرض على الجمهور حبه واحترامه==0==
==0==فالسنين الاوله واللي بعَدها والجدايد
ان تكلمنا بالامن الامن ضافي في سنامه==0==
==0==وان تكلمنا بجوده فوق كل الوصف زايد
له يمينٍ مدّها الفيّاض للمعدم دعامه==0==
==0==وله ذراعٍ لا رفعءها فوق تلطم كل كايد
أشهد انه للفخر والمدح والامجاد هامه==0==
==0==الأمير اللي لفعل الخير والمعروف رايد
من كثر طيبه ينال الشعر من طيبه وسامه==0==
==0==ما يجمّله القصيد الا تزين ابءه القصايد
==2==