حبل الياس

يا عين هلي دمعك اليوم صافي
... ...هليه لين القلب يبرد لهيبه
مابيه نورك عله اليوم طافي
... ...مادام نورالعين طول مغيبه
اقفا وخلاني بلا عذر وافي
... ...أنحب واصيح صياح مثل الصويبه
ليته يقول افراق والقلب عافي
... ...وأمد حبل الياس واحفر قليبه
لاشك خلا الشوق بالقلب دافي
... ...هو مادري كيف المفارق مصيبه؟
ليته عطاني علم ذيك الخوافي
... ...ليته يقول الحب وش كان عيبه
ماكنت أحسب الخل يقدر يجافي
... ...ولا هقيت محب ينكر حبيبه
يا صاحبي ارجوك أرجوك كافي
... ...خٍلك مريض الموت يرجي طبيبه
عقبك زهور القلب صارت جفافي
... ...تعصف به رياح الزمان الرهيبه
كانك بغيت البعد عله عوافي
... ...وكانك رخصت السوم ماهي غصيبه
خل الغرام ينام لاصار غافي
... ...وبكره تصحّيه الجروح العطيبه
شقاويه - الكويت