سيرة وتاريخ أحرف من نور

أعزي المملكة واللي سكنها والثرى والدور
واعزي خادم البيتين ابوي الشيخ عبدالله
واعزي كل من يشهد برب الكوكب المعمور
عباد مؤمنه بالله ومحمد رسول الله
واعرف ان المصاب صعيب وأدري ان القلوب فطور
واعرف ان الفهد غالي عليكم يا عباد الله
ولكن ما يشا ربي يصير بلوحه المسطور
وهذي حكمة الرحمن ومقدر لخلق الله
فهد عز الوطن سيره وتاريخ احرفه من نور
وفهد يشهد له التاريخ بامجاده بفضل الله
فهد عزه فهد هامة فهد قايد ثرى وابحور
فهد لو قلت مهما قلت انا صعب انصفه والله
خدم بيت الله ودينه خدم شعبه ومد جسور
جسور تربطه مع شعبه المؤمن بدين الله
فهد نهضة بلد نهضة فكر نهضة اصل واجذور
عسى الله يرحمه رحمة شهيد في سبيل الله
وعسى الله يجعله بين الصحابه والنبي والحور
ويجمعنا معه واللي يقول آمين فارض الله
وعزانا يوم ابو متعب لنا صار الذرى والسور
عسى ربي يطول عمره المعمور برضا الله
ونجيه مبايعينه بالولا والسمع دون قصور
وناقف وقفة وحده معه فيما حكمه الله
ابو متعب سندنا له مكان بالصدر مضمور
عسى ربي يطول عمره لشعبه وذكر الله
ابو متعب بطيبة قلبه المعهود والمشهور
يدير الحكم في حكمة حكيم والحكيم الله
وابو خالد ولي العهد سلطان الرخى المنثور
يجود بكل ما يملك من الماجود لجل الله
يا بو خالد انا لو زدت في مدحك فنا مجبور
من اللي ما يحبك يا كريم والكريم الله
عسى الله يحفظ الحيين والدعوات للمقبور
وعسى الله لا يغير نعمته ويديم عبدالله
سعوديين حنا بالاصل والفصل والماثور
تحت راية كتاب الله ومحمد رسول الله
عبدالله بن عبدالعزيز بن محمد البدر - الرياض