هذا وطنا وطنا من قديم العُصورْ

فيه الحضارة تنامى شوف وافطلّهَاْ
دِيرة على من سكنها دايماً ماتبور
فيها مواقع كثير اقلوب تحتلها
والله عطانا ملوكٍ أحرار مثل الصُقورْ
يمشوا على الدين والله ربنا دلّهَاْ
عساهم ملوكنا حتى ليوم النشُورْ
ما فيه فوق البسيطة منهو أفضلّهَاْ
سورٍ على المملكة في البر وايضَا البُحُورْ
مأمونةٍ يا بلد ما فيه من ذَلّهَاْ
ما دام أبو متعب الحاكم فلا به قُصورْ
والخير عم الحضر والبدو في بِلّهَاْ
فالله يزيد الرخا ويزيد بالنُور نُورْ
وإن جت نوايب على الصدقان بنْحِلّهَاْ
واجب علينا نعين اللي بلتهُم دهُورْ
لنّا بلد نعرف العادات وندِلِّهاْ
هذي بلادٍ لها بين النظيرات دورْ
وإن عارضتنا سيوف الظلم بنْفِلّها
حاولت قول الّذي في وسْط راسي يدُورْ
إبيوت ننقضْ بها وبيوت نفْتلّها
وختم بذكر الذي حبه بوسط الصدُورْ
رسالته كل مسْلم ماشي إبْظلّهاْ