نصيحة مجرب

راكان خذ مني نصيحة مجرب
الله يجيرك من سهوم المقادير
وقتي مدربني بليا مدرب
لعبت بي الدنيا وأنا توي صغير
خذيت لي مده وأنا أرب ولا ارب
وأنا اعترف ولا اعترف بالمحاذير
اثر الزمن ولو تحلوا يشرب
مر ويمر ابك المهالك بلا مير
فلا تخلي الدنيا بضاعة مهرب
وتعامل بحنكه وحكمه وتدبير
واحذر تجي عند الغني المصرب
ما يقضي الحاجات عبد الدنانير
واحذر تجي مثل الرفيق المخرب
وفالواجب اره ولا تهاب المخاسير
واكرم نباء اللي عن دياره مغرب
ترى بعيد الدار له واجب غير
وان شرقوا ربعك فبالك تغرب
خلك معا ربعك على منهج الخير
عط رأي واخذ ارياء لكن لا تثرب
كثر العذايل تمحقن الاشاوير
وذرب لسانك يا ابيض الوجه ذرب
عن زلةٍ ما تفيد معها المعاذير
وابعد عن اللي ذكرهم ما يطرب
واسعد بعرف أهل الوجيه المسافير
وغرات جارك صوبها لا تقرب
لا بالله الا زده حشمه وتقدير
ولا تاخذ الا بنت شيخٍ يعرب
منسبه من قومٍ قرومٍ مشاهير
تراك من ضلع مذبه يكرب
وجدانك شيوخٍ تقود الطوابير
هذا وانا يابوك رجل مجرب
لعبت بي الدنيا وانا توي صغير