سلمان الوفاء

شعر صاحبة السمو الملكي الأميرة مضاوي بنت منتصر بن سعود بن عبدالعزيز آل سعود
سلمان يا من صار للعز عنوان
كل المعاني في صفاتك أصيلة
يمينك ثابتة على طول الأزمان
ما يوم صارت في عطاها بخيله
جوده مطر يسقي لنا كل الأوطان
لين أصبحت نسمات جوه عليله
فيه المروة كاملة ما بها نقصان
قلبه سما والعطف كله يشيله
يفتح لنا من عالي المجد بيبان
والعز والنوماس كفه تكيله
واليا زعل كأنه جبل ثار بركان
يرعب عدوه قبل يأخذ حصيله
أحيان أحسه سيف بتار وأحيان
قلبن بعطفه ما لقينا بديله
أفخر وأفاخر كل ما قيل سلمان
حتى القصايد في وصوفه جزيله
عمي وأبوي وعزوتي طول الأزمان
ستري وغطاي لا صار بالوقت ميله
أنا مضاوي الشعر والحرف لا بان
تضوي حروفه بالوفاء كل ليله
أبوي رباني على العز ما لان
وأنا على مجد الكرام السليله
جدي كتب وصيته على كل ميدان
بالمرجله ثم بالسيوف الصقيله
وأنا أفتخر فيهم مدام الشعر زان
سقت المعاني والمشاعر دليله