فتنة العاشقين

قالوا من الشبه يخلق ربنا أربعين
ونا ارفض القول هذا باعْتراضي عليه
هل يعجز اللي خَلق كل البشر أجمعين
ان يجعل الناس كل مخلوق ماله شبيه
فانت من أجمل وأحلا الخود: ماتشبهين
أحدٍٍٍ في الحُسن غير الحسن لي تشبهيه
من أجل ذلك غديتي فتنة العاشقين
كلن يحاول بأي حُجه يشّدك إليه
لا تعجبي من تصرفهم ولا تزعلين
مادام هذا جمالك لاتقولين :ليه!
سبحان ربي عطا لك خصر ضامر ولِين
وعيون كم من متيّّم من سِْحْْْرْها يتيه
حبيبتي صدقيني كل شي فيك زين
من حسنك الشمس تكسف والقمر تخجليه
أبيك تصغين لي وتسمعي كلمتين
نذرت قلبي هديه لك تعالي خذيه
يامن عن الناس في الإحساس تتميزين
انا أشهد إنك جديره به وتستاهليه
من غير محلف بربي لك وأقسم يمين
إنك سكنتي لوحدك يامُنى الروح فيه
وإنْ كان ودك على ماقال تتأكدين
تسمعي صوت نبضه كنّه يْقول إيه
مبروك بن سالم بن ماضي