الناس للناس

الناس للناس وترى الكل بالله
ومن قدم المعروف يجزى بالاحسان
وزود الكلام بشر في الناس خله
النفس سّبت همها زلة لسان
للطيب نفسك خلها مستحله
الطيب يبقى صاحب الطيب له شان
يامسلم احذر من صفاتن مخله
تجعلك في عيون الملاء شخص خوان
واحرص على فرضك الآ حل صله
ترى الصلاة اول سؤالك يا الانسان
والخير بادل من فعل خير مثله
واحذر تبادل من اساءلك بنكران
ترى النميمه من صفتها مذله
وايضا ترى الغيبه تخليك منهان
والكذب خله للأبد لا تدله
ولاتفتح لكذبك منافذ وبيبان
والصدق سيف بوجه كاذب تسله
تقطع به لسانن كذب وقت حلفان
من عاش في همه حياته ممله
والحال يصبح سّبت الهم تعبان
خل العمر ضحكات دايم وفله
وعيش بحياتك دايم الدوم فرحان
العمر فاني واغنم الخير عله
تجزى من الله بعد موتك بالاحسان
يوسف الخلف