دبلة ذهب

يا (حالمة) هي وين ودتك دنياك
تكفين ردي.. صمتك أشعل سعيرك
عندك خبر باللي جرى يوم فرقاك
ولانسيتي تنشدي عن عشيرك
بوح المسا.. رتل سواليف ذكراك
أجهش وأجهش لين.. م(أبكي) سهيرك
ينفض حطام العمر ظنه بيلقاك
حتى ورى قلبي يدور نظيرك
وأسدل ستار الدمع عن نجم وأفلاك
وكلي تهاوى من بقايا مصيرك
ظنيتك أول.. كثر قولتك أنا أهواك
ماتتركيني هايم أتبع مسيرك
لوعت رحيلك نثرت وجد مضناك
عطرك -مكاتيبك-ورووودك- حريرك
وهبت رياحك خلف بابٍ وشباك
صريرها كسر جناحين طيرك
وأزريت أغض الطرف عن شوف لاماك
للموعد الغافي.. (جدارك- حصيرك)
وسجات فكري لاحدٍ جاب طرياك
تنبش بصدري ميتٍ لك أسيرك
من ليلة إعتابك إلى آآآآه ليلاك
صوتي ذبل من كثر مايستجيرك
يوم يسارك هزت أغصان يمناك
طاحت حزن «دبلة ذهب» من ضميرك