ندعي لك اليا من وقفنا مصلّين

ياعز للأمه وياعز للدين
الله لعزّك ياملكنا يديمي
ياوالدي فرحت بشوفك ملايين
والله بحبك ياملكنا عليمي
قلبك كبير وفيه شعبك مقيمين
وانت بقلوب الشعب دايم مقيمي
ندعي لك اليا من وقفنا مصلّين
يشفيك ويعافيك ربٍ رحيمي
ياملتجى للعاجزين المساكين
ومتكفّلٍ بالارمله واليتيمي
حنا عيالك مخلصينٍ محبّين
حبك سرى بعروقنا للصميمي
وحنا جنودك في وجيه المعادين
نفدنا وطنا ماحدٍ له يضيمي
نحيا معك وافين .. ونموت وافين
ويبقى ولانا لك جديد وقديمي
مستانسين بشوفتك مستريحين
وحنا بأمان وفي سلام ونعيمي
ياعز الامه ياذرى الدار والدين
الله لعزك يابومتعب يديمي