صفوفنا ثابتة في وجه عدوانك

يادولة العز مايهتز بنيانك
وانتي على العدل والاسلام مبنيه
أسسك عبدالعزيز وحط سيسانك
على الشريعه ماهي بأحكام وضعيه
شرعك كتاب الولي والحق ميزانك
والدين نبراسنا حكام ورعيه
يخفق علم راية التوحيد باركانك
والناس تحته سواسيّه سواسيّه
واليوم حنا بعهد معلّيت شانك
حكامنا اللي مشو نهج الحنيفيه
في عهدهم صارت الامجاد عنوانك
والشعب عايش بأمان وفي رفاهيه
معطينهم عهدنا من ماضي ازمانك
ولا نخون الولاء أو نخلف النيه
ومدام حنا تربينا على احضانك
يادارنا الروح لترابك فداويه
نرفع مقامك ولانرضى بحقرانك
ولا يطيح العلم ونفوسنا حيه
وصفوفنا ثابته في وجه عدوانك
ولا تحقق اطماعها فينا الحراميه
يامخبل اللي طمع باشعال نيرانك
هو يحسبن البلد ماهي بمرعيه
اللي بعد ماشبع من خيرك وخانك
هاذاك خاين وراضي بالتبعيه
ويالله وانا طالبك يارب سبحانك
انك تدوم الامن على السعوديه
مبارك العصيمي