عواكيس

* الملهم والمحنك والمؤدب والخلوق، والنابه، والنبيل والشيخ ومهندس الحرف معوكس زرنا في استراحتنا شرق الرياض وستجد مايسرك، ويؤكد انتماءنا الصادق لفريقنا وتقديرنا لك؟
محمد الدوسري- حي السلي
هذا مدح وإلا معروض طرارة!
* الاستاذ معوكس وش قصة تفاريس ضرب وخشونة، ليش الصحافة ساكتة، وشلون يهاجمونه أيام زمان وهالحين سكتم بكتم؟
نادر العابد - الحناكية
- ناظر لون الفانيلة أول هالحين وتلقى الجواب!
*الملوسن معوكس أشوفك تمدح حسن العتيبي أكيد غيرت قناعاتك؟
مساعد الناهض- الرياض
- ميزة أبو علي انه يحسن النية ويضحك أخيراً!
* هل صحيح يامعوكس ان "صياد" يحاول ان يسجل عليك بعض المكالمات والسبب خوفه ان تروح لجريدة ثانية وانك صرت حذر منه؟
هادي الروقي- الدوادمي
- ليه شايفني لاعب يبي ينتهي عقده!
* ماذا لو كنت صاحب قرار ياعكوسي وش اول شيء تسويه؟
حمد الدويهي- الدمام
- كنس بعض "المعتوهين" الذين يقدرون زيارات بعض المنازل مساء ومدح من يتسكعون عنده نهارا من الإعلام!
* أبوالعواكيس أحلى تحية: عندي سؤال محيرني ليش خليل جلال دائم متحامل على الهلال في مباريات كثيرة أمام النصر مرتين الموسم الماضي وهذا الموسم أمام الأهلي هل لميوله دور في ذلك أتمنى إبعاده عن جميع مباريات الهلال والشواهد كثيرة؟
أبوعيسى الرياض
- ابوجلال عيبه إنه متعود على الاستعانة بصديق!
محمد نور
*عزيزي معوكس عطني حظ وارمني بالبحر هذا المثل ماينطبق على بعض المباريات بكأس ولي العهد؟
اخوك المشجع النصراوي الوفي لافي صالح العنزي
- خاصة المباراة اللي طرفها أبو مطرف!
*السيد معوكس مارأيك عندما اكتسح "فارس الدهناء" الاتحاد وحقق ماعجز عن تحقيقه الاخرون وطار لدور الاربعة؟
عبدالله المطيري -حي المصيف
قصدك اللي طار فيها ناس وبقي نور يعدل ويبدل!
* كيف ترى يامعوكس قمة بريدة اليوم ومن سيفوز وهل سنضحك طربا بأداء "السكري"، اتوقع ان "لايركد" التعاون طوال المباراة من اجل امتاع الجماهير؟.
خالد المجيهيم - بريدة
- اقول اركد بس لايجيك "السكري" ويحجبونك عن الكليجا!
* ماذا لو كنت عضو لجنة يامعوكس هل ستقبل بالمداخلات الفضائية لتوضيح وجهة نظرك؟
سعد الدويري- الطائف
- شكلك ناوي تورطني مثل عضو "الانضباط"!
* ماذا تتوقع يامعوكس للنصر في بطولة آسيا، واللاعبون الاجانب "صب قهوة"؟
عبدالله المقروني- القنفذة
- "فارس نجد" عودنا على الظهور في الوقت المناسب والكأس سعودي بإذن الله!
* وش رأيك يامعوكس بمستوى مدافع الهلال محمد القرني امام الشباب، صراحة انه لاعب له مستقبل؟
صلف العنزي- عرعر
- علم بعض الناس اللي كانوا ناوين على تنسيقه!
* لست مصدقا يامعوكس ان الصنيع والبارز طارا من الاتحاد، برأيك من طيرهما؟
فهد الجهني- جدة
اللي طير جوزيه مانويل وغيره، والله يسترك مايطير لو صرت حوله!
* ماهي قراءتك يامعوكس لأحوال بعض "المراسلين" خاصة اللي يتباكون على حال الرياضة السعودية ويضمرون حبهم اولا لأنديتهم؟
غالب الشريهي- الخرج
رأي أنهم يحتاجون واحد يقرأ عليهم!