وش يفيد الحب لامات الحنين؟

وش يفيد الحلم...لاعمّ الضباب!
وش يفيد الحب لامات الحنين؟
وش يفيد العمر ...من طرقه لباب
صكّ من دونه خيالات السنين
القهر من دون شكٍ بالغياب
يالغياب اللي تعفّر بالجبين
لايروح الليل والنجمه تُذاب
ولايجي هالفجر ...ويزيد الانين
ولايشع الصبح ..من قبل المتاب
قبل مايجمع شتاتٍ مستكين
وش بقى لاستدركت كل السراب!
اليدين ..وخدها في كل حين !
وش بقى غير الورق ماعاد جاب
غير طاري من سكن حبر المُبين
من شعور الوجد ...من عمق الصواب
من شتا ليل المدينه ..للوتين
لويهيم الدرب ..ويضيع الجواب
أو تقوم افكار ذهن الحائرين
بالسؤال اللي تشتت بارتياب
عن شواطي ضمها الموج المهين
ولو غشى هالحلم اثار الضباب
بكتفي بالعين لاهلت...يبين!
سارة العتيق