حلمي والإدراك

بين الخيال وبين حلمي والادراك
اللي لفا هو انت والا حنينك
يابو عيونً كنها الليل لمساك
اتركني اغرق بين رمشك وعينك
شفتك حمامة شوق تسجع على الراك
يرقص طرب غصنه ليا حس لينك
ورجعت والنظرات يمك وترعاك
والقلب خليته بقبضة يمينك
نبت وثبت حبك على قلب اغلاك
نبت الانامل فوق راحت ايدينك
انت المنال اللي عيوني تمناك
كم راح من عمري وانا اقول وينك
وكانك ترجاني مثل ماترجاك
ياليتني مابين ظلك وبينك
ليتك مثل جرحي وانا اجي لك دواك
تبقي سجيني مثل ماني سجينك
هات الخناجر وأطعن الروح لرضاك
وليا طعنت اربع دبلها بعينك
ياللي يغارالتوت من زمة شفاك
والورد زود غيرته وجنتينك
لاشفتني في دهشةً من محياك
لا تنفض الغره وتجرح جبينك
محمد البقمي