عواكيس

*الأخ معوكس صباح الخير وبعد وش رأيك في الأهلي ونتائجه وبعدين عندي لهم مدرب حسن البيشي بدون عقد متبرع؟
اخوك ابو محمد المزاحمية
- نتائجه كنها مستوى مالك مرة فوق ومرة تحت!
*الأخ معوكس .. أبشرك نزل الضغط والسكر شوي والأمور زينه والنتايج تبرد الكبد وش رأيك مواريها إن شاء الله البطولة نصراوية بعد فوزنا علا الأهلي ويقولون أن الجار جته أم الركب؟. وشكرا
نصراوي الزلفي . ابوعتيق
- أم الركب وأم زعبيل!
*معوكس الحبوب... طالبينك عاد لاتغلى اذا بتسافر بالإجازة لبنان او بادية الشام عبري اكيد دربك علينا لازم نشوفك ونكرمك وناخذك جولة على الحفر والقيصومة ونرجعك النقل الجماعي وتواصل رحلتك.. قووول تم؟
بدر اليعقوب- القيصومة
- اما النقل الجماعي دع القيادة لنا والنهاية يبشر بالباص!
*السيد عكوس تحية عطرة أنا من المشاركين بالزاوية منذ بدئها قبل ربع قرن تحديداعام1403 ولم يتم تكريمي ولو بحفل مبسط؟ كما أود أسأل عن اللاعب يوسف جازع الدوسري أين هو من قنوات التحليل؟
عبدالله المطيري-عاشق حي المصيف
- ماله واسطة واصدقاء في التعداد!
* معوكس تحية طيبة وبعد وش رأيك لو يضم العالمي ثلاثي هجوم نار وهم تنيريو الاكوادوري أمار ديانيه مهاجم الريان ولاعب العربي القطري البرازيلي كابوري صدقني سيلتهم جميع البطولات وابصم بالعشرة بعد وشكرا؟
عبدالله بن عبدالرحمن الهديب-الدلم
- يلتهما.. حبة حبة بخبرة الخبير الدولي!
*الأخ العزيز ابوالعواكيس تحيه طيبه وبعد الفيصلي ولله الحمد تأهل لدوري الممتار ونادي الاعتماد يبحث عن رئيس وش رأيك تخلي صياد يمر على النادي لو يوم على شان يشوف الإدارة اللي كنها ادارة ملعب زعبيل؟!
محبكم ابو محمد- روضة سدير
تأهل لمواجهة منافسه التقليدي في الديربي!
*الأستاذ معوكس ما ني مصدق اللي قريته في بعض المنتديات أن أحد الذين عمل منسقا مع المنتخب يرسل لبعض الصحف صور تظهر خشونة بعض اللاعبين وفريقهم في مهمة وطنية؟
ابراهيم بن المنحوس –الدمام
- ما خفي كان اعظم من صديق (الامين)!
مالك معاذ
*والله انا أحس يامعوكس بعض الأندية أنها تمارس طقة قديمة عندما سربت للإعلام أنها تعاني من أزمة مالية وان بعض الإداريين يبون يستقيلون، يعني يبون المنافس يطير مع العجة عشان يفوزون عليه، ظنك يصدق؟
جمل نشوان العنزي- عرعر
-الحكي وش عندهم في الميدان اما هالسوالف فهي قديمة!
* قائل لك من زمان يامعوكس أن الاهلي ما ينشد به الظهر بس أنت ما تصدق والدليل الخروج من كل البطولات؟
عزيز محمود سليم – جدة
-فارياس جاب لهم الصمرقع .. وآخرتها ما عنه وعن ساوبالو!
*عطني رأيك يامعوكس يوم القناة بالدليل القاطع استضافت عادل عصام الدين، يعني ممكن تستضيف نفسك في الصفحة اللي تكتب فيها؟
اورنس العبيدي- رفحاء
-ما لقوا احد والجاية الظاهر مع المطيويع!
*صراحة يامعوكس احتجنا خبرتك في قضية النصر والوصل لأنك خبير ملوسن، بدلا من الخبراء الذين ما يحبون اللون (الكحلي)؟
أنور الحجيلي- الطائف
- ولايحبون المادة (12)!
*الاخ معوكس عقب تزويد الجماهير بالأرقام الهاتفية لبعض المحللين الخليجيين ظهرت الآن موضة تزويد بعض الصحف ببعض الصور من اجل الإساءة لبعض اللاعبين والمطالبة بمعاقبتهم، وين يأخي الحياد ووين راحت الوطنية؟
سعيد بن هندوس - الدوادمي
- اي حياد هذولا حدهم الرابطة مع جماعة شاقني.. واذا خلصوا يربطون!
*الحبيب معوكس
برأيك من هو خليفة الممثل الشهراني في خط ال18؟
صديقك عبدالملك المرشد - عرقة
ماغيره زاييه ومساعده مالك!
*صاحب المليار رسالة ابو العواكيس
لماذا التزم مقدم وضيوف خط الفتنة الصمت وغيروا الموجة على الاهلي؟
حمد الدوسري
- المخرج عاوز كذا وبرمج الرباعي على الصامت ووضع الطيران!