سلطان دايم في المواجيب عنوان

بدع القصيد اليوم في موعده حان
وطبعه يزين إليا نظم وقت حله
في سيدي سلطان ومن غير سلطان
اللي غيابه كدّر الشعب كله
ولي عهد المملكة عالي الشان
الله زرع فيه المحبة جبله
محبته ترجح على كل ميزان
في قلوب كل الشعب حاجز محله
سلطان دايم في المواجيب عنوان
كاسب جناب الطيب في كل مله
سلطان مروي كبد من جاه ضميان
ياقف معه لو فيه مليون عله
ابو اليتاما جازي السيئ بإحسان
ريف الضعيف اللي بدا به مذله
جسد معاني الفخر في هيئة انسان
ما له خليل الا الكرم صار خله
ماهوب موفي وصف سلطان قيفان
يتعب جزيل الشعر دقه وجله
رهن حياته للمخاليق من شان
لا حلّ ذكره تبتهل دعوة له
الله يرده بالسلامه للاوطان
ونشوف صورة رجعته بالمجله
وامير نجد مرافقه وين ما كان
سلمان سعد اللي وقف عزوة له
ابو الوفا يوم الوفا ما له ابوان
عضيد اخوه مرافقه مثل ظله
سلمان لا ضاقت على دولته بان
نجم ليا روح على الحزن هله
قلته وحنا بخير من رب الاكوان
في دار من نغلي ثراه ونجله
ملك ملك ما هي سواليف ديوان
من غير ابو متعب عسانا فدا له
وختامها صلوا عدد نبت الاغصان
على الشفيع ف يوم عزه وذله
واستغفر الله واطلبه عفو واحسان
في يوم ما به ظل ياكود ظله