عسي المولى من الكيد ينجيك

الحمد لله بالشكر دوم يعطيك
يعطيك زود وكل ما تشكر أعطاك
رب رحيم ويحفظك ما يخليك
لأصرت حافظ لأمر دينك ودنياك
على سلامة نجل حر يحييك
لا جيت دارة قام لك ثم حياك
لك يا ملك منا تهاني وتبريك
ولولي عهد الخير سلطان يمناك
ويا النايب الثاني نخصك نهنيك
على سلامة شبلكم لا عدمناك
ولك يا أمير الأمن والمجد نهديك
مشاعر الفرحة وندعي على عداك
تاج الفخر يوم الملك جاء يهنيك
عجل بشوفك ما تواني عن لقاك
يا أمير جعل الله يعزك ويحميك
ويمنحك نوراً صوب ما تمشي خطاك
النصح والعفو الحسن من مباديك
فيك الشهامة والرجولة مزاياك
أطلب عسى المولى من الكيد ينجيك
ويدمر اللي بالمكايد تبلاك
اللي نوى غدرك به الله يوريك
عجايب تثلج صدر منهو أغلاك
الشعب كله ياكحيلان يغليك
وهذي علامة حب ربك ومولاك
أعطيت أمن لكل من يلتجي فيك
وعزيت كل اللي بصدق تنصاك
عفيت حتى تكسب اللي معاديك
تنظر بعيد وتفرح بكل من جاك
نظرتك نظرة حر ما هي بمواطيك
على الرجولة قام نايف ورباك
حنا ترى يا أمير والله نفديك
في كل ما نملك وبالروح نفداك
حيث بمسيرك زود أمنا وتمليك
لا من الوطن ولكل من يجمع أملاك
أمن الوطن يا أمير آمن ترى فيك
أنت اليقظ والعدل نهجك وممشاك
محمد بن عايد بن صباح الخيال