ياليت راع الطيب

ياليت راع الطيب فوقه علامه
حتى تعرف اهل الردى من هل الطيب
عشان ما تلحق ربوعك ملامه
ما عاد لا تخطي روابعك وتصيب
حتى يودعنا مجال الندامه
يرد بيبانه على الشك والريب
يوم الرجال أنواع هامه وقامه
الآدمي مخلوق ما يعلم الغيب
بعض العرب يفرض عليك احترامه
اما من الادنين والا الأجانيب
راع العلوم الغانمه والكرامه
الي محله فوق روس المراقيب
اليا نخيته ما تراعد عظامه
واليا نصيته من خيار المعازيب
والا الردي ما ينتثمن كلامه
دايم فعوله حول شذب العراقيب
يمن راع التاليه في سلامه
وان جا مجاله ما يعرف المواجيب
عسى الكريم يجمل الله مقامه
والا البخيل لحاميات اللواهيب
يوسف بن عتقان العتيبي