متى بنثر غبار الهم عن اكتافي واغنيله؟! متى باودع احزاني؟ وقلبي ينجبر كسره؟! يادنيا ارحمي ضعفي ترى مافي يدي حيله دخيلك لا تدوسي شخص يناديله ثرى قبره دخيلك.. لمي اشلاء تناثر عندي بالجملة بسافر في تعب عمري ولكن وين ياحسرة! يادنيا ارحمي قلب ملاه الهم في سيله يعاني من عرف اسمه.. الم واحزان ياكبره من اول يوم من عمره عجز عن همه لايشيله ومن اول يوم من عمره وهو مسلمك امره تعب لين التعب منه احرق له محاصيله وروحه آه يا روحه غشاها الهم من صغره لا انت اللي ذبحتيني براس الظلم او ذيله!! ولا انتِ اللي عتقتيني أعيش الفرح لو مرة ما غير أعلنتي لي ظلمك وغنيتي مواويله انام وكلي اسمع لك.. واصحى أبلع العبرة يادوب سنيني بأولها وقلبي عايش بويله حرمتيني من ايامي.. شباب وعايش الكبرة قولي لي وش تبي مني ما بقي شي اناديله جميع احلامي باسبابك توفت من قسى الحرة احبك؟؟ لا ما احبك.. وقلبي جف منديله سقيتيني شراب الهم وانتي تضحكي بكثرة أمل الرجيعي
