البليله ضمن اكلاتٍ جميله موروث جَدٍّ للابو ثم الولد

غذّ نفسك وادفع! الآلة أمامك
بالبطاقة، لا تأخّر لا توانى
أكل صحّي داخل الحارة، علامك؟
تشتري علبةْ قديمةْ من زمانا
سلّم او بلّغ مع اصحابك سلامك
طابخ الحمّص ومن جوّد غِذانا
محمد مقحم المقحم - الرياض
ابن البلد باللبس مع قدر البليله
تحلى ليًا نادى البليله يا ولد
البليله ضمن اكلاتٍ جميله
موروث جَدٍّ للابو ثم الولد
سعر الصحن منها ريالاتٍ قليله
وتنتشر بالمدن في وسط البلد
سعود عائش الحربي - جدة
جهّز الفول والمعصوب والأكل النظيف
والزباين جاهزه حولك في كل حين
القدور مركبه والنظافه ديدنك يالطيف
شد راسك واكرب حزامك لا يلين
الشغل ارزاق والحمل ما هو خفيف
حمد عبدالله الوايلي - حوطة سدير
شخصيّة الرَّجال مع قدر هالفول
مهتم في نفسه.. وفيه النظافه
حتى جهاز الدفع شوفوه محمول
على عموده بالشكل وانعطافه
اللي يبي يدفع يحاسب على طول
والتقنيه صارت بليا كلافه
سليمان عبدالعزيز السنيدي - الرياض