نَو الوسم في الوشم ذعذع نسيمه

في ثرمدا رِيح الندا يسبق الريح
هلّل معي هذي نشوره وغيمه
والناشي في القبلة يشوق المفاليح
وقت العِشا بْروقه تبدّء عتيمه
ورعوده تْسَبّح لْأبا الجود تسبيح
عساها لاهبّت وصبّت هميمه
فالي وفالك مع صدوق المراوِيح
يالله عساها في المقابيل ديمه
وتْرَبّع مفال تشتهر بالسراريح
من كثرهن تِسْرح بْلَيّا وسيمه
هذي مضاريعٍ وْهذي ملاقيح
وأهل البساتين أهل عزْمُ وعزيمه
ياطِبهُم والطايلة للفلاليح
شعبانهم تجري تحشر الوضيمه
وظهُورهم بين السواقي مدابيح
شعر: محمد بن عبدالرحمن اليوسف