اليوم يومك يا ذخر كل الأوطان

الحمد لك يا خالق الإنس والجان
يالواحد اللي في سماه امعبودي
سبحان منهو منزل ن خير برهان
رب ٍ خلقنا من عدم للوجودي
حافظ بلدنا عن ردى كل خوان
سبحانه اللي بالعباد امحمودي
وسلام يادار ن لها بالمدى شان
المملكه عز وفخر للسعودي
واليوم يومك ياذخر كل الأوطان
يالمملكه خيرك علينا يزودي
تسعين الا عام والدار فآمان
ومن فضل ربي محتمين الحدودي
دار الفخر دار البذل دار الإحسان
بالحج ياتيها جموع وحشودي
بقيادة الحر القطامي بليهان
مليكنا اللي بالمواقف صمودي
الجود رمز الجود عالي وله شان
حامي حماها عن ثراها يذودي
سلمان لاشان الزمن بان سلمان
مايقبل الخاين عريب الجدودي
ومحمد الرؤيه غدى اليوم ربّان
بصمة سموّه بالبحر والنفودي
والمملكه تطلع على سهيل وتبان
يُبذل لها تخطيط ومسح وجهودي
سلام يا دار السعد مهد الإيمان
المملكه للضيف تبذل تزودي
من جاء عليها ينعم بخير وأمان
ولا ينكر المعروف غير الجحودي
والدار من دونه شغاميم شجعان
بقيادة الوافي عريب الجدودي
والموت دون الدار عزه وله شان
ولا نهاب المعتدي والحقودي
والختم صلو عد ما يرفع أذان
على النبي اللي بمده يجودي
محمد اللي ناشر الخير تبيان
باللين ينشر دعوته بالركودي