اشربك شهد ياحياتي ولاارواك

اشربك شهد ٍ ياحياتي ولاارواك
يااغلا عيون ٍ بالمحاني حويتك
ابحث وادوّر واتسمّع لطرياك
وينك حبيبي مختفي مالقيتك؟
قلبي وروحي يا هنا القلب وياك
وان غاب نورك يا الغلا ما نسيتك
انتي فضاي وعالمي بين الأفلاك
يااجمل قصيده في حياتي قريتك
معقول صرتي حلم من بعد فرقاك
وانا بديتك قصة ٍ ما انتهيتك
اشفق على قلب ٍ تنفّس حلاياك
طاويه هم البعد من قول ليتك
تنشد عن اللي منيته بس لقياك
لو كان بأيده لأمْر زارك ف بيتك
اهواك وابغى شوفتك واتمناك
والمشكل انك مهتني في مبيتك
وين انت ياللي مختفي مالقيناك
إِرجع تراني يالوله مانسيتك
تعال واقبل ياحبيبي انا هناك
في ساحة الذكرى انادي فديتك
نفسي تسولف وازهمك واتحراك
معقول تنسى روحي اللي عطيتك
الى متى بأصبر وانا أطْلبْكِ وأبْغاك
يا اجمل شعور الحب قصه حكيتك
عبدالكريم ابن خزيّم