حب الوطن يجري بمجرى الشرايين

يالله يامنقذ وجيه المصلين
عبادك الي ما اختلف معتقدها
عاشوا على السنة ومنهج هل الدين
محجتٍ سنة شفيعٍ خاتماً للنبين
حب الوطن يجري بمجرى الشرايين
من يلتزم فيها حياضه وردها
ومن حاد عنها حزت العسر واللين
بكره يشوف اعماله الي حصدها
ماقدمه يلقاة مابين قوسين
يعطى كتابة والنتيجة رصدها
الشعر له مبدأ وساس وبراهين
رسالةٍ لابد اقدم سندها
شبابنا واطفالنا قرت العين
عن الدمار الشامل اخذوا بيدها
شوفوا صحيبة مين وبيذهب لوين
لانتقض حبال الفتن وتعقدها
ترا النصيحة تنشرى بالملاين
خسران من مره علاه وزهدها
التوعية والنصح بين المحبين
ترسم على صرح المعزه وتدها
من مقتضى الواقع ومايطلب الدين
تلاحم ابناء المجتمع في صددها
احم البلاد حماية الجفن للعين
امٍ(ن) شقتبك لاتخيب جهدها
حب الوطن يجري بمجرى الشرايين
ومن ضيع الدار الهويه فقدها
في ضل قادتنا زبون المخلين
حكامنا عز البلاد وسعدها