صوت

ملتقى الشعراء

لا قلت غض الطرف يا زين سلهمت
تا تزيد قلب صابه سهوم بسهوم
لاشك انا عن منهج الحب حرمت
وعن العنا والود والحزن اباشوم
لا عاد تزعج خاطري لو تكرمت
يامن بجيده صافي اللول منظوم
وقالت كذا منك الجفا ما تعلمت
هات السبب قلت السبب صار مقسوم
وضاقت خوافي خاطري بعد عزمت
وامر الموادع زادني غيض وهموم
وهاذي ثلاث ايام يا صاح ما نمت
الله يجبر خاطري يابن سلوم
ما دامني عن شوفت الغالية شمت
اللي غلاها داخل القلب مرسوم
عشرة عوام بقسم الأحباب نومت
تمضي بي الأيام بشجان وحلوم
واليوم عن ما فات يا صاحبي صمت
بطرد الهوى والحب مانيب ملزوم
من نومة السالين والمنتجع قمت
عزاه اثرني طول الايام في نوم
ومافي ضميري من غلا الزين سلمت
الحب ظلم وراعي الحب مظلوم
دون الكلام العذب يكفيني الصمت
وعن الغزل والعشق يكفيني الصوم
وداع للأوهام من عقب ما همت
وارجي عساني من هوى النفس معصوم
واليا عشقت العاليه ما تندمت
ولمنادم الوافين عشاق واروم
امشي عزيز وبالخطا ما تكلمت
واليا عسفت النفس ما نيب مليوم
محمد بن زبن بن شالح
صدى
يابو زبن وشبك عليها تجهمت
وشلون تنسى ماضي الحب وعلوم
وانا الذي في بحر الأشواق قد عمت
واخذت لي مدة وانا تقل منجوم
كم مرة فيها على الزين يممت
ابو خديد كنه البرق ونجوم
ياليتني من نور عيني تغانمت
يوم الليالي ضاحكة لي على الدوم
عز الله اني يوم اشوفه تلعثمت
اصبحت انا من فرقته مثل مفطوم
لا من لمحته قلت انا له تسلمت
مفتاح قلب لك من العام مصروم
راع الهوى يصبر على الضيق والغمت
كم واحدٍ لا من غفا جاه جاثوم
يا صاحبي ياللي لبست وتعممت
درب الهوى لازم تجيه بضحى يوم
يوم تكب به الصلابة مع السمت
لما تشوف اللي على خده ارقوم