ياقلب كم لك وانت من حال في حال من شفت (سارة) وانت حالتك حاله أنا معك حلوة ونظراتها هبال بس الغرام الصعب مالك وماله ذي عندها لكزس وسايق وجوال وأنا كورولا .. لا وباسم الوكاله سواقها في ذمتي ياكل أثقال كلّه عضل شف كيف يرفع شماله!! تعوّذ من إبليس ذي دونها رجال وأنا مكسّر خل منك الهباله تسكن بفلّة ماتجي لك على بال شغل أجنحة .. ماهو مقلّط وصاله مصروفها يكفي ثمانين رجّال ياشيخ أبوها مادرى كم حلاله حتى أمها ياصاحبي حرمة أعمال واخوانها .. كلٍ غني في مجاله إعقل يبو .. بيحلّها ألف حلال أنا أطلب الله وادّعيه وأساله إسهر وفل حجاج نبضك وإذا طال فيك السهر .. ارقد مثل منت داله وش غيّرك ! .. قد كانت أوضاعنا عال لارحم أبو (روبي) على ( البرتقاله) خلّوك للحسرة والآمال حمّال حتى غديت بداخل الصدر عاله حتى هلي من شافني منهم قال : لا يابري حالي وياوجدنا له ياقلب تكفى وش معك والتخبّال إلعن ابليس وكب عنك الخباله رسمة فتاة جميلة
