وأنت مالك ومالي ليش تعقد يديّه فكّها خلّني أقفي واروّح لحالي منك جرح المشاعر زاد جوره عليّه وش تبي وانت بالدنيا سعيد(ن) وسالي الهنا لك عشير ودايم انته خويّه فوق مشرافه يجيك الشراب الزلالي جمّل الوقت حظك وانت لابس حليّه فوق ريش النعام وتحت نفح الظلالي ما رماك الشقا ولا ذقت منه الف كيّه ولا جفاك الكرى وخاويت سود الليالي هذي اسروج خيلك بين روحه وجيّه مندرق عجّها ولا حازت إعجاب بالي بين من يجلب ويشري خراج وتحيه يفتح الله فهقنا مالك اليوم تالي ما تغسّل يمين اشمالها دون نيّه ولا يعيب العقل والنفس كود التعالي مال ذاك الوصل حسنّه ولا ظل فيّه وما ورا الزيف نور ولا ورا الزيف غالي من حمَاك الهوى عيّا يرد العطيّه صرّ ماجاك ولا تنشد عن اللي غدالي
