سلطان.. فقيد الشعب

كلمات ترثي البطل ونظمتها سعيدة
في اللي حمى شعبنا على الصدر ضمه بأيده
ليت العمر ينهدا وأهديه عمري زيادة
عشان يحيا ويرفل في حياة جديدة
قولوا لخالد وإخوانه حتى الحفيدة
من بعد سلطان هذا اليوم أنا وحيدة
لكن عندي أمل في الله ربي يزيده
في نايف اللي بعد سلطان قاد المسيرة
سلطان أنت فقيد الشعب وأنت الفقيدة
مآثرك خالدة خارج وداخل عديدة
الكل يرثيك ويشهد لك بسيرة حميدة
يا من تلمس جراح الشعب داواه بيده
زار العيادات وامشافي لجنده فقيده
يتفقد اللي مريض والجرح ضمده بيده
يا من حمل همنا وانساه علة فؤاده
يضحك ويفرح لشعبه بالحياة الرغيدة
يخبي الحزن والآلام وتضحك سنونه
ليسعد الشعب بوجوده ويكتم همومه
دايم يفكر ويتمنى حياة سعيدة
لشعبه اللي يخطط له بحنكة سديدة
يرعى شؤون الوطن وبيده يقود السفينة
بنظرة صائبة وبعين زرقا اليمامة
مهما تكلم ومهما اوصف تراني اسيرة
اسيرة للخصال الطيبة والحميدة
افعال سلطان لهذا الشعب ترفع بإيده
وترفع الراية يالشعب السعودي
تشهد لسلطان طوال الدهر حتى يبيده
رب رفيع العلا على العرش والحكم بإيده
لو أقعد أحصي خصاله ما تكفي الجريدة
لساني عاجز وذا قلمي خلص مداده
في نشر سيرة بطل في الناس ما له سديدة
يسد عطشى وحبه والصداقة الرشيدة
اليوم حنا فقدنا ذو خصال عديدة
ينعاه شعبه صغار السن قبل الجدود
وتبكي الأرامل وذا ثكلى وترثي فراقه
يقولون راح اللي ضحى بروح جهيدة
يجاهد أمراض والعلة بداخل فؤاده
صبر وربي يجازيه بجنة فسيحة
ويلاه من حزن في قلبي تعدى حدوده
سلطان عزيز علينا اليوم كني وحيدة
اليوم يوارى الثرى وبيته ولحده
هذي طريق وكل في القبر بات وحده
نصيحتي للذي يحمل من الكبر ذرة
ينظر لسلطان قايد دولة مستقلة
يا من حمى برها وفي البحر قاد السفينة
واليوم خلف وراه الحزن ورحل بعيد
يراقب الله ويسلك له طريق السعادة
لجل ان هذي الديار ما هي لنا مستديمة
ولابد نرحل ونخلف ورانا مسيرة
والموت فينا وهذا القبر مغزى القصيدة
يا الله يا الله تعوضنا في هذه المصيبة
وغمد روحه في الجنة وعفوك تزيده
سعيدة عبدالله الغامدي