سلطان عند الشعب عطره والأنفاس

تراقص رياض الخير رقص بالماس وجده تغنى بالفرح ألف ليله الساحل الشرقي حوى الفرح من ساس والساحل الغربي سعاده تشيله ومن الشمال تناثر الوردنسناس الخير مقبل والليالي جميله وفي جنوب المملكه رفعة الراس ابيات تكتب والقصايد جزيله كله لبو خالد وفى صدق واحساس ولي عهد المملكه وافضيله الصاحب الوافي مع الجود والناس ومكارم الاخلاق هي تنتمي له وانا بعد بكتب واعبر بقرطاس عن فرحتي مثل المطر في هميله برجوع ابو خالد معافى من الباس ياليت ظيمه في فؤادي اشيله سلطان من غيره مسح دمعة الياس وسهل دروب من قبل مستحيله كم من يتيم جنبه درب الاتعاس وخلا السعاده في حياته طويله يعطي عطا وافي بلا حد وقياس من مثل ابو خالد ومنهو مثيله شيخ غدا للطيب مبدأ ونبراس وعنوان دايم للأمور الثقيله حامي وطنا ممتلي الاصل والساس واللي نوانا بالردى منه ويله درع الوطن يسلم لنا قاسي الراس وليا انتخى الحراب يزبن دخيله يحمل سجايا نادره ندرة الماس حلم وشجاعه كلها تنتخي له سلطان عند الشعب عطره والانفاس والشعب عنده في مراتب جليله انا احمد الله فرحنا ماله قياس يوم استجاب الله لنا نرتجي له برجوع نور الدار للدار نوماس وتبرى نفوس في غيابه عليله عبدالله محمد آل هاشل - الرياض