الأحد 25 رمضان 1393ه - 21 أكتوبر 1973م - العدد (736)

هذه القصيدة لشاعر المناسبات سعد بن حريول بمناسبة حرب العرب واليهود في شهر رمضان عام 1393ه
سلام يلي في جوابي تسمعون
عداد ما هل المطر من مزونها
للمسلمين أشهر جوابي وبينه
إلى المعارك دايم يتابعونها
كل ايجاهد قد طاقات قدرته
بدم ومال ليشهم يدفعونها
وصحف وتلفزيون وإذاعة وغيرها
وحتى الدعا بكفوفهم يرفعونها
وشجع الأبطال في كل ناحية
في الجبهتين أبطالها يحتمونها
مصر وسوريا ومعهم اخوانهم
بجيوشهم جيوش العدو يهزمونها
ضرب المدافع والصواريخ بالهدف
بنحور عدوان العرب يرسمونها
معارك بالجو والأرض تشتبك
الأسلحة هذي وهذيك لونها
أما الشجاعة ما يصيرون مثلنا
حنا طبيعتنا وهم يصنعونها
فلسطين تنخا وترفع الصوت للعرب
تهتك محارمها وشافت اغبونها
ورجالها في كل الأوطان شردو
ومطردين اديارهم ما يجونها
إسرائيل خذتها وتريد غيرها
تبغى التوسع وخلف الله راضنونها
غزوة بدر فيها مسول الله انتصر
الأيام هذي والعرب يجددونها
كل العرب قاموا جميع وتكاتفو
نار الحرايب لشغلت يوقدونها
والاسلام معهم قايمين بصفهم
وكل دول العالم لهم لهم ييدونها
وفيصل ملكنا بالسياسات مفتهم
في دعوة الاسلام جودا ركونها
الف قلوب من قديم متشتتة
قو التضامن جاء على أحسن يكونها
أمر على الجيش السعودي وحركه
ولبو نداه المعركة يطلبونها
هذي عوايدهم طبايع اجدودهم
أرواحهم في المعركة يرخصونها
أما حياة بالمعزة وبالشرف
أو موت عز في جنة يسكنونها
جيش الحروب الجيش والأمن والحرس
روس رجال المرجلة يحفظونها
والشعب كله جيش لا قابل العدو
دروس المعارك كلها يفهمونها
في ظل عاهلنا وقايد جيوشنا
فيصل ملكنا كل عليا زبونها
وخالد ولي عهده ونائبه
وباقي عضوده ناقلين اشطونها
ويا سامعين القول صلو على النبي