عقب سموم القيظ يبدي لنا سهيل كنه لعشاق الفيافي ينادي لا والله إلا راح وقت المقاييل من يوم ذعذع بالعصير البرادي ليا داعب الغربي دقاق السماليل ما عاد يهنا القيظ عقبه قعادي الله يجعلها علينا تساهيل يمدنا اللي ما لرزقه نفادي ربٍ عطايا فيض جوده بلا كيل يجود ويسمى الكريم الجوادي يالله طلبتك من صدوق المخاييل نو ذعاذيع الصبا له قيادي يمده الغربي بواف المكاييل ومن بارد الشرقي شرب واستزادي ليا منه أقبل داجياً كنه الليل وارزم رزيم المظميات التلادي صوته ربيع اللي نياقه مهازيل تخضر بحسه مهدفات الفوادي قلب بدوي عشقه البل والخيل وممشىً حدر غر المزون الغوادي جعله على دارٍ تربي الرياجيل دار الشجاعة والفخر والمبادي دار السعد والعز والبن والهيل وللجار تكفي قصة للمهادي فيها تنزل بافضل الكتب جبريل مهد الرسالة من ثمودٍ وعادي المملكة تاج على الراس واكليل من دونها شعبٍ بروحه يفادي يعلها الله من قراح الشهاليل تغبط ويركب سيلها كل وادي ويا علَّ نو بالمناشي مظاليل كنه بنسناس الهبايب يقادي يسقي سموع محقبة والشماشيل وعلى الحفر له بالعتيم اتقادي يرخي عليها من صدوق الهماليل حتى يكب فليج مجراه غادي دار لعشاق البداوة مداهيل يا ما رعتها من طفوح سنادي تقطف زماليق الصفي منه وتميل من ايسر العرفا لجو البجادي هذي هي الصمان ون قيل ماقيل تنسابها هم على القلب زادي ليا ربعت ما مثلها بالمنازيل تسوى جنيف اللي هواها زبادي وغبّ المطر يازين ممشىً مع السيل وعن الغبا تعط الرفاع متحادي تمشي بضف مطوعة كل حلحيل حكامنا اللي ما لهم من يلادي متوارثين الطيب جيل بعد جيل من مقرن الاول لراع البلادي فهد معدلها ليا بين الميل ذخر العروبة لا حدتها حوادي يا قوباسه لرتخى بارد الحيل يا ما قصر عنا طوال الايادي ينطح عن الامة شرور وغرابيل يبين فعله في الليال الشدادي وانا حسبت المجد صعب المناويل واثر سليل المجد يولد قيادي الله يمهل في لياليه تمهيل عشنا بضفه ما نشوف اضطهادي
