اليوسف: القصيدة لسويلم العويلي وموثقة كتابة وصوتاً الى تراث الجزيرة,.

في تعقيب عاجل

السلام عليكم ورحمة الله وبركاته,, وبعد:
قرأت كغيري تراث الجزيرة عدد 10019 في 27/11/1420ه وقد اشرتم الى اللي يقول:
علمي بهم بالصيف واليوم بالصيف
هذا شهرنا العام يالله تكافي
وعن نسبتها هل هي للشاعر سويلم العلي السهلي ام لا,.القصيدة التي منها هذا البيت للشاعر سويلم وقد سجلها بصوته بالاذاعة برنامج من البادية عام 1385ه ثم اعيد تسجيلها في عام 1395ه ثم طبعت في كتابه )ديوان سويلم السهلي( تأليف سعود سعد محمد القريني عام 1400ه ويقول الشاعر سويلم رحمه الله ان هناك شخصاً لم يذكر اسمه طمع في قصيدتي او انه سلب
منها واني قلت فيه ابياتاً منها قوله:
يا طامع مالك بقولي علاقة
قولي عليه الموسم عرقات وحلاق
لا تسلب المعنى وتسرق اسراقه
يقال لك عند اهل العرف بواق
من حلقتي ما نيب تباع ساقه
ولا آخذ من امثال الاجاويد مالاق
وبدع المثل ما هوب عندي شفاقه
امثال اعد لها له اشكال وارناق
والبيت منها لا ظهر تقل ناقه
ولا نيب اخلى ناقتي عند الاسراق
إلا إلي جاني رفيق بصداقه
اساعده واصير له تقل ملحاق
مير: اسمع وطعني لا يجي بك حماقه
وادعيك شاره في نظر كل تفاق
واحملك من غير حملك وساقه
وادعيك عرضه في لسن كل هماق
والقصيدتان موجودتان ضمن شريط عندي بصوت الشاعر سويلم رحمه الله.
** يقول سويلم:
قفن بنا شيب الغوارب مزاليف
عن دار مجلي الثمان الرهافي
قفوا عليهن يلعبون الغطا ريف
وانا اتعجب كن ما بي اخلافي
وانا خلافي لاجي بالسراجيف
باسباب مجمول تخلف اخلافي
يماز ما من دونهم من حجاريف
بيداء صحا صحيح شعاف ومهافي
بيني وبينه يهرف الذيب ويقيف
ويزعج ثلاث اصوات عقب الهرافي
من البعد بذنه سهال هفا هيف
حيفانة منها اصبح الذيب حافي
علمي بهم بالصيف واليوم بالصيف
هذا شهرنا العام يالله اتكافي
يالله اتكا في شين فرقا المواليف
ايضا دخيلك عن اسلوم متعافي
متعافي ما ذكر خوف ولا خيف
دبوج مما تنقل الكرش وافي
دبوج كنه ثور هور على السيف
هبره كثير وجوهر العقل طافي
يبي الهوى لاشك ما فيه تصريف
باب الهوى من دون هن متجافي
مغلق مجراه ما هوب تطريف
لاشك ذا ما هوب ينفاه نافي )1(
خيل يحسب الولف خرط وسواليف
وتلحلح ما بين سمر الغدافي
هو مادرى انه يشعف لقلب تشعيف
تشعيف خيل القوم حم الشعافي
ما ولعنه ناقضات الاطاريف
نجل العيون مقر مزات الاشافي
استفهمن يا لابسات المشانيف
قولن توذلف واعطاه الذلافي
قولن تقلع لعنبوها لغضاريف
لا تستحن يانا ضمات الرعافي
ترى الحيا من جنس حر المشاريف
صيده سمان ولا يصيده الضعافي
هذاك ابا قني له ولا بي تحاسيف
يستاهل الجود شجاع اسنافي
عديت لو لاح تعلا مياهيف
شوحات عسرات المراقي اطفافي
مدهال طفقات الشروق المحاذيف
ولهن بلطفات المذاري مرافي
ودليت اشيل الصوت في عالي القيف
والقيل يرجس بالفواد متلافي
واهل دمع من نظيري ذواريف
تاليه غثرب واول الدمع صافي
واقول: )2( ويلاه ياخلي عديم التواصيف
عليه جرحي ما يرافيه رافي
وحولت من راس النبا العالي معيف
ولا شفت في راس المهايف عوافي
هذا كلامي حين قفن زواليف
عن دار مجلي الثمان الرهافي
ابراهيم بن عبدالله اليوسف
** هوامش:
)1( بالكتاب هكذا: يرفاه رافي وبالصوت: ما هوب ينفاه نافي
)2( هكذا بصوته,, واقول: ويلاه يا خلي عديم التواصيف.
مثل قوله: مير: يا هل النضايا للي على كل مرمال.
او قوله: مير: يا هل النضايا منتوين لديرة.