الشبكة العنكبوتية رقيبها الإعلامي متغير بتغير الأوقات بل ربما لا يكون لدى بعضهم خطوط حمراء في النشر كان لنا جولة خلالها فيما يخصنا من منتديات الشعر الشعبي خاصة فلاحظنا كماً هائلاً من الأشعار والأسماء عندها خطر لنا أن نكون أكثر تواصلاً مع قارئنا بربطه بأكثر قنوات الشعر لذلك خطرت لنا فكرة الاتفاق مع مشرفي بعض هذه المنتديات الذين استطعنا التواصل معهم لاختيار ما يرونه كأجمل نصين لاسمين رجالي ونسائي عندهم وموضوع نثري عن الساحة الشعرية لنقوم بدورنا بنشره في «مدارات الجميع» كفرصة ذهبية للشعراء وللمشرفين ايضاً بعرض نتاج اعضائهم وأسماء منتدياتهم بشرط أن لا يكون هناك تجاوز في المضمون الشعري او النثري عندها استجاب لدعوتنا 3 منتديات هي مشاهير وليل وتراحيب وشعبيات فيما لم يجب الخلوج وتأخر شعبيات في ارسال ما جمعه لذلك بدأنا هذه الجولة الأولى ولن تكون الأخيرة في هذه المنتديات وإليكم ما تم ارساله من منتدى مشاهير www.mshaheer.net ولم يتم إرسال موضوع نثري لعدم وجود ما يلائم النشر كذلك تم اختيار قصيدتين لشاعر وشاعرة غير معروفين وذلك لإعطاء الفرصة للشعراء الشباب للظهور، ووقع الاختيار على القصيدة الأولى: «زلة قدم».. زلة قدم كبوة جواد وتعثر خذها حسب ما تشتهي بس بالذوق واقبل عذر من جاك عاني يتعذر عذري قصير وطيبتك دايم فوق اكيد مخطي والنظر عندي اقصر معقول اطلع دمعتك من على الموق انت الغلا فيك الحلا دوم يزخر نسمة ربيع وقد باللين ممشوق لاشفت زولك كل عقلي تبعثر واليا همستي همستك كلها شوق من نظرتك من بسمتك شفت اكثر شفت الجبين وبانت الشمس بشروق بغيت اشق الثوب لاشك مقدر تدرين ليش؟ الثوب قبل امس مشقوق ماهمني بنتٍ بزوله تمخطر ولا همني كل الغنج داخل السوق انتي فقط انتي وغيرك فلا اشعر ان الخفوق يميل مع كل مخلوق يالغالية منك العتب دوم مثمر وانا اشهد اني بطيبتك دوم مسبوق وان كانت الكبوة جواد وتعثر منك العذر لاطاح يا راعي الذوق ابو مياس - محمد الشمري والقصيدة الثانية باسم «فارس قصيدي» للشاعرة سكون: القصيد اللي دعاني اسرح بجنة خيالك هيض بفكري اماني بيحت مكنون سدي قمت اشمك في سطورك طيبها من طيب فالك دهن عود وطيب ورد وما بقى من عود ندي وحين تهديني بيوتك تبتسم خذها حلالك تنتشى هالروح فيني والمشاعر ما تحدي يا مساك اللي خذاني التمس لذة وصالك يوم غشاني هديرك انحسر جزري ومدي وللحياة اللي خذتني دمرت ما كان سالك اوهمتني وعلقتني وسمت دمعي بخدي الخواطر عاتبتني من متى لي؟ ومن متى لك؟ ظامية رغم المواصل والليالي ما تعدي كنت احسب الليل قبلك بارد مظلم وحالك لين عشت الليل بعدك مفعم الاحساس وردي يوم سميتك «هلاكي».. عزوتي هالقلب هالك مثل غصن الياسمينه هزته شمس التحدي غصنها الذاوي لجى لك طامع بفيك وجالك اسقها بارد ظلالك تبشر بمعسول شهدي خل مكاني في ضلوعك يحترى فوحة دلالك بين فنجال المعزه والغلا مديت يدي ادري ان في قصيدي ما ذكرت اللي طرى لك الحيا مطبوع فيني من وقت ما عاش جدي قم تخير لك مكانك ما تخير لي بدالك مسكنك عيني وجفني.. والعطايا ما تردي اما منتدى ليل وتراحيب www.lailwtra7ib.com فأرسل معللاً بأنه قد تم الاختيار بدون الاهتمام بالاسماء المعروفة لاعطاء الفرصة للغير وكانت أولى القصائد المختارة: «يا مقام الاحترام» أشرقت شمس الحقيقة وانجلى غيم وظلام وابتدى طرقي وفكري والفضا ماله دليل انتشى صدري بقدري والمحاني من غمام واعتزى فيني سماه ولانطقت الا عليل شاعرٍ واكتب شعوري من تمام اليا تمام لارعى ربي دخيلٍ يحتمي راس الدخيل وانتي اللي في عيوني يا مقام الاحترام ما تزعزع عن مكانه شامخٍ مثل النخيل يا هوى روح المولع ما بقي فيني غرام والله اني ما اتولع غير للجوري واميل يا هوى ريح الخزامى يطلبك ريح الخزام لا تثنى خيزرانه مهرةٍ تصله صهيل كنّها خيل المحيا في نهار ام الزحام مقدم الموت المحقق لقبلت يم القبيل اقربي يم القتيل وشوفي لجسمه مقام فوق رؤوس النايفات ولا تحسبيني قتيل عزتي ساس ووراثة.. من خوال ومن عمام مرتخى راسي وساسي.. يلطمون اللي يعيل ميّتن دون الكرامة.. عزتي فوق الغمام !!.. يا حياة العز موتي.. عن حياتك يالذليل والقصيدة الثانية هي «انتي معي والا مع الوقت ضدي» انتي معي والا مع الوقت ضدي يا جارحة قلبي جروح جديده اتعبني المشوار قيدك بيدي وش لون افكه وانتي عني بعيده تمضي سنين العمر ترفض تهدي وانا كما التايه بصحرا عتيده مدري علامك مستمره بصدي ان كان لي ذنب ذنوبك عديده.. لو ما احبك ليه بيحت سدي واكشف لك الخافي واكرر واعيده يا عايشه بالوهم ما كان ودي اجرح شعورك او نزيفك ازيده اغراك من اهداك فستان وردي والبسمة الصفرا وحلو النشيده وخلاك فوق الشمس نورٍ وبعدي وصدقتي الكذبه ولو هي بليده يا حالمه.. والوقت جزرٍ ومدي النوم طول والحلم ما يفيده مدري متى تصحي وتدرين ودي توحي ضميرٍ فيه مثل الوقيده حبك سكن قلبي ولا هو بيدي مقدر على هجرك لو انك شديده نبضي.. عروق القلب تنزف بجدي الى متى تنزف واللي شهيده لا تتركيني للزمن صعب وحدي يا ما دهاني بالغدر والمكيده من شان حبك ساكنه وسط نجدي اموت واحيا في عيون العنيده ردي علي الصوت بالله ردي وان ما تردي الروح بعدك شهيده وكذلك لم يرسل أي موضوع نثري. ونحن في نهاية هذه الجولة لا نقفل الباب امام اي منتدى خاص بالشعر لارسال ما يراه متواصلين ما بدأنا به باحثين عمّا يخدم الشعر والشعراء في أي قناة كانت. [email protected]
