شعر : فهد عافت

من عناقيد المحبه والولا

أَعْرب الّلي في كفوفه خط سير
رِِفْعَة الشعب السعودي في الحياه
: فاعلٍ للمُبتدا من كل خير
فهد بن عبدالعزيز .. المستنير
مبتدا فعل الجميل ومُنّتَهاهْ
في كتاب الله وسِنة مصطفاه
2
يا بلادٍ «خَصّها» الله ب «تعميم» الرساله
ألف صلّى الله على اللي به انورتي.. وسَلّم
ما ترك عبدالعزيز - ْلحماك الاّ عياله
خيرة رجال الزمان الذي منهم تعلّم
كيف يغزل راية المجد.. بخيوط العداله
لين ما يبقى على الأرض مظلوم يتظلّم
والفهد دام الفهد شال حملك وارتكى له
فابشري.. لا فيه جايع.. ولا طِفْل يتأَلم
حافظٍ ربي دروبه عن ثْلُوم وْمِيَاله
وكل قاعٍ من سحابه: تِمَايل واتثلّم
كل شعبٍ غير شعبه تمنّى : ليتنا له
مير خص الله به المملكة يا اللي تحلّم
ما عرف كفّه الى من عطا غير الجزاله
وما عرف غير الجزاله لسانه لا تكلّم
3
كل حَبّة رملْ: شمسٍ ساطعهْ
.. والله احَدْ
وكل صَدْر: آمالْ خضرا مُشْرَعَهْ
في ها الْبلَدْ
السعوديين له.. والله مَعَهْ
قبل .. وْبَعَدْ
لَلْعِدا ضيق.. ولاصاحيبه : سِعَهْ
علْم.. وْمَدَدْ
الضّرَرْ: كف العهد..والمنفعه:
كف الفهد!
4
شَرْع الفَهَدْ في قَوانينَهْ
ما شرّع الله ف «قُرآنَهْ»
يا رب تحفَظْهْ . وتعِينَهْ
وتْديم عزه.. وسلطانه
طاهر ف.. ظَنهْ وتخمينهْ
واطهر من ظنونه.. ايمانه
زاكي ف ..دنياه وف دينهْ
وازكى من انفاسه: احسانه:
كِنّ الذّهب جمر ف ..ايدينهْ
وف.. ايدينك: كُبود عدوانه!
ولا اكرم من اذنه سوى عينه
واكرم من عيونه: لسانه
شِعْرٍ ركَضْ في ميادينه:
مَعْفي من النار شيطانه!
5
الْفَهَدْ: عَزْمَه وحَزمَهْ وفِعْلْ ذْراعهْ
واليقين اللي مشى به.. وطاهر ظنهْ
والسّحاب اللي حسد ما وطى من قاعه
في خُطاه اللي على عزّها مستنّهْ
مستحق بْلاَ فْروض وسنَنْ للطّاعه
كيف عاد وطاعة الملك : فرض وسنه
قدّم الخادم على اسم المليك وْذَاعه
للخلايق،.. والسعوديه اضحت جنّه
ما شبَرْ شبره بشر كيف عاد ف بَاعَهْ؟!
مخطيٍ من قال: «شِبْه» و«مثيل» و«كِنّهْ»!
حاجتين اثنين ابد ما هن من اطباعهْ :
الرجوع ف.. كلمةٍ قالها.. والمِنّهْ!
6
الفهْد بن عبدالعزيز .. الرّياسَهْ
تلوق له.. والتاج يزها.. بظلّه
عَزْمه قوي .. رايه سديدٍ .. وباسَهْ
شديد.. وايدينه هي الطيب كلّه
يا رب عزّه كثر ما عزّ ناسه
بخفضَهْ من الرحمه جناح المذلّه
7
ل .. الليل: نجمٍ وسامر
وللعاشق: انفاس ولهى
يا الله عسى البيت عامر
بالفهد.. والتاج يَزها
كفّ ٍ به الضي غامر
أكرم من الضيّْ.. وابها
يا مر بما الله يامر
وعمّا نهى الله ينهى
8
لامن حَكَوا في «مَسْقط» الراس: نُودِي
غصب ورِضا على غلا الناس للناس
وكلٍ يُقول ف «مسقط» الراس جُودي
يا غيمة التّحنان: ذكرى ونوماس
إلاّ على هذا التّراب السعودي
لأن رمل المملكة «يرفع» الراس!
9
عزّك قديم وجديد وحاضر وخالد
يا مملكتنا السعوديه رعاك الله
بعبد العزيز الامام .. الباني .. الوالد
اللي له من القمر: نور القمر كِلّه
بشيمهَ سعود بعزيمهَ فيصل وخالد
بحكمة فهد.. وبسماحة وجه عبدالله