أقرب قريب

هم.. لجا بالقلب ولع به النار
منه حنايا الصدر صارت رمادي
وحل الوداع وهلت العين مدرار
دمعٍ يساق وفوق خدي يهادي
ليل الالم خيم على كامل الدار
دار على طيب المكارم تشادي
ما تنطفي ناره عن الضيف والجار
واللي يجي محتاج نفزع وكادي
اون ونات القهر والزمن جار
وسهر طوال الليل ابكي ونادي
كبدي تقلب فوق محمر الاجمار
وما عاد باقي صبر ولابي جلادي
اقرب قريب لي جزاني بالانكار
ومن فعلته عيني جفاه الرقادي
اكابد الحسرات والفكر محتار
متى يزول الهم وانسى السهادي
ابكي على اهل الجود اللي لهم كار
اللي على الشدة طوال الايادي
ودلالهم في مجلس العز تندار
تجذب روايح بنهم كل غادي
الوقت شأن وراحوا اليوم الاخيار
اللي على ضيم الدهر لي شدادي
ياللي تودن صادق بسر وجهاز
أبي الدعاء يا عزوتي هو مرادي
دعيت رب عالم كل الاسرار
رب كريم رازق للعبادي
يفرج هموم فاقت بثقله مشار
يشيلها قبلها طواله النكادي
يالله بعد العسر تجعل لي أيسار
وبعد السَّموم تهب نفحة برادي