ورقة قديمة

يا سابقي حبك مقيم على ساس
ومولع في حبك القلب توليع
حلفت لو ساموك بفلوس عباس
اني شفيع فيك ما اصخي ولا ابيع
ولا دخل قلبي من البيع هوجاس
وان زودوا لي بالثمن قلت ما اطيع
ياما حلا لا شلت الذيل والراس
مثل المهاة اللي تهاب المتاييع
ريمية شمت من الريح نسناس
حلت على زول المبندق مع الريع
والا كما شيهانة تبغي الافراس
جول هوى تبغيه قدم التواقيع
باغي الى جانا من الفقر عساس
وسمية فيها الزبيدي مصاليع
وانا عليها قدم الاسلاف نطاس
لا جات حزات الفزع والزعازيع
لا صوت الصياح بادي بالارواس
يفرح بي الذود المطرف الى زيع
والى لحقناهم والارياق يباس
مركاضنا ما هوب هوز وتمانيع
وان لا يعونا من وراها بمرواس
عاداتنا نرخي حبال المصاريع
عاداتنا نروي شبا كل عباس
ودهم الجموع اللي تبوح المداريع
عقبة تقابلنا على ضو قباس
قاموا يعدون الفناجيل تجزيع
فنجال بن خنته تقعد الراس
والزعفران مقطع فيه تقطيع
انا يعدى لي ولو فيه جلاس
هراجة المجلس قعود مهانيع
اللي لهم همز ولمز ووسواس
في ساقة الاجواد همز وتراتيع