حايل بتوجيهك خذت كل مقصود

حظيت منطقة حائل أسوة بمناطق المملكة الأخرى بدعم متواصل من قيادتنا الحكيمة في كل المجالات، وفي هذا العام أعلن عن إقامة مشاريع سياحية جديدة والعديد من المشاريع التي تحتاجها حائل في مختلف المجالات التي تحقق أفضل الخدمات للمواطنين.
عن هذه المشاريع وغيرها، كتب الشاعر محمد الجبر الرشيد هذه القصيدة المعبرة:
الأمير سعود بن عبد المحسن
يا خادم البيتين فعلك جبرها
حايل بتوجيهك خذت كل مقصود
وجهت أبو متعب وبدّد سهرها
وحقق لها يا سيدي كل منشود
وتزينت حايل وقضّت شعرها
ترقص طرب ما بين شاهد ومشهود
يا شمسها، يا ظلها، يا قمرها
اسمح لها بالرقص ما فيه منقود
تظهر مشاعر يوم جاها خبرها
بأفعالك اللي ما تبي قول وشهود
وأنت الذي كل الجزيرة عمرها
يشهد لك التاريخ والفعل مشهود
وبدأ سعود يحضّر اللي قصرها
في خطةٍ سخّر لها كل مجهود
ويوم انتهت بالدرس واينع ثمرها
رفع تقاريره إلى صاحب الفود
زيزوم نجد اللي بفعله غمرها
عبد الله اللي كل ما فيه محمود
وحايل جنتْ من حسن حظه زهرها
من فضل أبو متعب ومن خطة سعود
تِفَهَّمْ الخطة ورسى حجرها
بيمينه اللي خاوتْ البذل والجود
جادت يمين بالعطا ما خفرها
إثنا عشر كيلو هديه بلا قيود
وانا أشهد إنه حاكم ما ذخرها
خلا جميع ادروبها سهود ومهود
وان كان حاتم من قديم شهرها
جاه أبو متعب للعلا يطلب الزود
ولا هو كثير يأبو متعب مهرها
هي ديرة العاصي وهي ديرة حمود
وعساك تسلم يا مذلل خطرها
يا شوق من لبسه حرير وما هود
سود النواعس لا ارسلت لك نظرها
مرسولها للقلب ما عنه مردود