تعيش يا بليهان

بديت باللي ما عنه غايب غاب
سامع دبيب النمل بالصم بالليل
ومن بعد ذكره هزني شي باعجاب
كلمة طويل العمر من دون تسجيل
الكلمة اللي قالها عرب الانساب
تفرح قلوب عقب عمه تساهيل
يقول حنا اصحاب واخوان واقراب
وانا على الجاهل فلا احمل ولا اشيل
تستاهل البيضا على راس مرقاب
طويت صفحة ماضي كنه الليل
قدرت اهل نجران حاضر ومن غاب
عفيت عنهم يوم جولك مقابيل
ارويت في عفوك شباب وشياب
بصفحك وعفوك يوم جوك الرجاجيل
عم الفرح نجران والدمع منساب
شاهدت انا دمع يشادي الهماليل
السيف في يمناك قطاع الارقاب
شجاعة بدلت بالحلم تبديل
صدرت توجيهك ولا واحد انصاب
تعيش يا بليهان لو قيل ما قيل
وقت الشدائد يا حضر حزم كللاب
فولاذ يا بن سعود ما هي تهاويل
نظرته في عين الغضب ترهب ارهاب
ويا ناظرك بالعطف نلت المحاصيل
وعند الرخا سكر على كبد شراب
ومن مال شيله جاك تقعد له الشيل
يا سيدي مهما نسميك بالقاب
شهم شجاع لين قاسي حيل
يوم الوديعة سيدي قايد اسراب
شجاعتك ما هي علوم وتطابيل
ولك موقف دائم تفكون الانشاب
موقفك ثابت كانه الجدي وسهيل
وفي وقت ماضي يوم ناهب ونهاب
جدك موحد مملكتنا على الخيل
وابوك ابو خيرين للخير جذاب
وعمك فهد فكاك جاره من الميل
ما هاض في صدري نسجله بكتاب
وما قل دل وزبدة الهرج تقليل