العوض في ولي العهد سلمان

طبت يا ناصر السنه على رفرف جنان
يا ذرى الدين ومزبن من الخوف خايف
والعوض في ولي العهد سلمان سلمان
وأحسن الله عزانا في حجا الدار نايف
بإذن ربي يعم الأمن ويشع الايمان
دام في شجرة آل سعود حدبٍ رهايف
شرعها كلمة التوحيد والدين عنوان
شجره امباركه ما زعزعتها الهفايف
قودنا يا ملكنا للعلا يا كحيلان
والله إنا يابو متعب ما نرجع نكايف
من حدود الحديثه لين ناصل لنجران
والله إنا لنحميها من اطماع حايف
دام لدفاعنا سلمان شيخٍ وربان
بإذن ربي وطنا ف الكفوف الروايف
يا ولي العهد سلمان يا ذخر الإنسان
ما كسبت الثقة من غير جهد وكلايف
صفحة المجد تشهد والمواقيف برهان
البطولات في صدرك ردايف ردايف
نلتها من صروح المجد في كل ميدان
والثقه من ملكنا وثقتها الصحايف
يا ولي العهد مبروك من قلب ولسان
والمناصب تفاخر بك وكل الوظايف
أنت ترقى بك الطالات يا ذخر الأوطان
وأنت تاريخ ندمغ به دجل كل زايف
وأنت رمز الوفا وأنت العزا وسط الأحزان
وصل الأرحام يشهد والقلوب النظايف
يا وزير الدفاع ويالي عهد شامان
والله إنك هنا بين الضلوع الصخايف
ما يزعزع مكانك ف الحشا كاينٍ كان
مختلط بالدما وسط القلوب الرجايف
لو فتحت القلوب اللي تلمك بالأحضان
شفت حبك ملاها طيب، وش كنت شايف
الشاعر/ د. محمد بن حمدان المالكي