دربيل: من طول الغيبات جاب الغنايم يا مدربل؟ مدربل: غنايم عدوك على قولة راعي موفق؟ دربيل: أفا أجل الواهس لك عليه؟ مدربل: يا قديم قل مودك! لك عليه! دربيل: يا كثرهم اللي مودهم مسلمْ على طحنون؟ مدربل: وعلوم أهل الخيل؟ دربيل: أمطار وخير وكأس شقران الليلة غير؟ مدربل: الله يرحم شقران ويجعمنا معه في جنات تجري من تحتها الأنهار ومهما قلنا لن نوفي الأمير الراحل حقه وسباق الليلة يضيء ذكرى الغالي في وجداننا؟ دربيل: وعلوم الإسطبلات؟ مدربل: الأبيض مسفح! دربيل: وبقية الإسطبلات؟ مدربل: جوهم عليه غيوم؟ دربيل: غيوم خير ؟ مدربل: والترشيحات؟ دربيل: السيف الأجرب يلمع وملتهب؟ مدربل: ولا يهون إخوانه الأكليل وأبو جعفر! دربيل: وأمطار الأزرق؟ مدربل: ترعد وتبرق؟ دربيل: الا وشى علوم الكرهب على قولة بلدياتي أبو عبيد! مدربل: يا فرحة ما تمت وهي ناقصة شرايح تجارية! دربيل: يقولون بيعدلونها وأبو سلطان فيحان ساعي في هالموضوع! مدربل: حي والله ها الرأس يا فيحان والله يكثر من أمثاله الخيّرين والساعين لمصلحة ها الوسط اللي من جرف لدحديرة! دربيل: وأخبار غاية الإبداع! مدربل: الحصان ولا الشركة! دربيل: الشركة الراعية يا معود؟ مدربل: تمخض الجمل فولد لعبة! دربيل: تقصد المسابقة الجديدة؟ مدربل: الله يسبقها بخير؟ دربيل: يقولون جوائزهم جوالات؟ مدربل: الا ما تقولي ليه أشواط اليوم أغلبها للخيل المبتدئة؟ مدربل: لجنة البرامج أبخص! دربيل: والدليل شوط الأمس المفتوح للمهرات! مدربل: يا مدربل تراها غلطة مطبعية الصفر حطوه واحد! دربيل: كثر منها غلطة مطبعية يا مدربل! مدربل: الا وراهم ما يستثنون أشواط السنتين وسيارة النقل التليفزيوني اللي روعت امهارتنا! دربيل: ملاحظة في محلها وننتظر من المسؤولين حلها ! مدربل: الا عينت (ممسح الريضان)؟ دربيل: من عقب المزاد ما عنه الطير خبر! مدربل: (على الباص) مثل ما يقول أبو فيصل دربيل:على طاري المزاد عسى بعض الربع سددوا مدربل: ينتظرون دورهم في بنك التسليف دربيل: وآخر العلوم؟ مدربل: اللهم دمر ( القرعة ) التي تفشت في جميع اشواطنا وزادت على الهم همنا!
